Back ሊጉርኛ Amharic Idioma ligur AN اللغة الليغورية Arabic الليغوريه ARZ Idioma ligur AST Liquriya dili Azerbaijani لیقوری (رومی) دیلی AZB Ligūru kalba BAT-SMG Лигурски език (романски) Bulgarian Ligureg Breton
ZE
|
Sta pàgina a l'é scrîta in zenéize |
| Lìgure | |
|---|---|
| Âtri nómmi | Lengoa ligure, lengua liggyre, lengua lìgüřa |
| Pronónçia | /'ligyre/ |
| Parlòu in |  Itàlia Frànsa Mónego
|
| Regioìn |  Liguria  Piemonte Sardegna Emilia-Romagna Lombardïa
|
| Parlànti | |
| Totâle | 508.210[1] |
| Clasificaçión | |
| Filogénexi | Lengoe indoeuropee Grùppo Italico Romànse Òcidentâli Galloitaliche Lìgure |
| Sudivixón | Lìgure òrientâle Lìgure centrâle Lìgure céntro-òcidentâle Lìgure òcidentâle Lìgure alpìn Lìgure de l'Ôtrazôvo Lìgure coloniâle |
| Statûto ofiçiâ | |
| Ofiçiâ in | Mónego (Dialetto monegasco) |
| Còdichi de clasificaçión | |
| ISO 639-3 | lij (EN)
|
| Linguist List | lij (EN)
|
| Glottolog | ligu1248 (EN)
|
| Linguasphere | 51-AAA-oh
|
| Estræto in léngoa | |
Diciaraçión universâle di dirìtti umâni, art. 1
Tutti i òmmi nascian in libertæ e son pægi in dignitæ e driti. En dotæ de raxon e de consciensa e an da fâ l'un con l'atro in piña fraternitæ | |
 | |
O Lìgure (in monegasco: lenga ligüra e lenga lìgura) o l'é 'na lengoa[1] do gruppo lengoìstego itàlico oçidentâ parlâ in Italia (Liguria, Piemonte, Emilia-Romagna, Lombardïa e Sardegna), into sud da Fransa, in Còrsega, e into Prinçipato de Monego[2].
A-o tèrmine de 'n processo de rivendicaçion raprezentativa da parte de comunitæ lìgure inti confronti da çitæ ciù inportante, Zena, antiga capitâle do Stato a-o quæ a dâva o nomme, a Repubrica de Zena, inti ùrtimi dexenni s'é preferîo acetâ a paròlla lìgure a quella de zeneize, pe-a lengoa parlâ inte l'atoale region amenestrativa Lìguria e inte çerte zòne limìtrofe.
O baxin d'influensa di dialetti lìguri o l'é de çirca 2 milioìn de personn-e anche se, specialmente inti ùrtimi çinquant'anni, pe coscì de variante locali se son pèrse e de âtre son a reizego tutt'òua, anche pe córpa da mancansa de 'n pâ de generaçioin inta continoasion da parlâ. Coscî, ancheu, a popolaçion ch'a conosce a léngoa a l'é ben ben infeiô e ancón meno son quelli che a pàrlan e a scrîvan.
E variante ciù importanti son o zeneize, o savoneize, o spezzin, o ventemigliusu, o tabarchin, o monegasco, e o noveize, dîto ascî lìgure d'Otrazôvo.
Tra i dialetti Liguri e o Piemonteise ciù a nord, gh'è poi de variante dite de transission, comme i dialetti da val Bormia, de Calissan e do Sascello.
No bezéugna confonde o moderno concetto de Lengoa lìgure co-o lìgure antigo, a léngoa di antighi lìguri, estinta fòscia za primma de l'anno 200 a.C. (dòppo o bellum sociale), d'orìgini sconosciûe.
- ↑ 1,0 1,1 (EN) Ligurian, in sce ethnologue.com. URL consultòu o 28 màrso 2021.
- ↑ https://glottolog.org/resource/languoid/id/ligu1248 URL consultòu a-i 11 de arvì 2023.