Frankfurt sul Main

Articul per Ladin Gherdëina

Frankfurt am Main
Blason	Bandiera
Nfurmazions prinzipeles
Stat	Germania Germania
Stat federel	Hessen Hessen
Landkreis	kreisfreie Stadt
Fundazion	1. secul do Gejù Crist
Populazion	775 790 ab. (31 dezëmber 2023)[1][2][3][4][5][6]
Densità	3 124,3 ab./km²
Geografia
Coordinedes	50°6'38"N, 8°40'56"E
Autëza	112 m
Spersa	248,3 km²[3]
Auter
Targa de l'auto	F
Codesc de la posta	60308–60599, 65929–65936
Gemeindeschlüssel	06412000
Plata internet	frankfurt.de
Cherta
Frankfurt/Main Frankfurt/Main (Germania)

Frankfurt sul Main (tudësch: Frankfurt am Main), suënz ënghe mé tlameda Frankfurt, ie la zità cun la majera populazion tl stat tudësch dl Hessen, ma nia si capitela, che ie Wiesbaden. Cun 765.000 abitanc ala fin dl 2019^[7] iela la cuinta majera zità de la Germania. La ie sul ruf Main (che porta tl Rain) y fej ora na conurbazion continueda cun la zità Offenbach am Main y si raion urban à na populazion de 2,3 milions.

Frankfurt fova na zità-stat per belau 500 ani y fova una de la ziteies plu mpurtantes dl San Mper Roman coche l post ulache univa curenei i coseri. La zità-stat à perdù si suvranità cun la tumeda dl mper tl 1806, l'à giateda zeruch tl 1815 y perduda inò tl 1866 canche la ie stata tëuta su tl Preußen.

Frankfurt ie n zënter a livel mundiel per cumerz, cultura, educazion, turism y trasport, y ie rateda na "alpha world city" dal GaWC. A Frankfurt à si sënta n grum de mpurtantes firmes europees. L aeroport de Frankfurt ie l majer te la Germania y un de i majeri te l'Europa y al mond. Frankfurt ie un de i majeri zëntri de finanza te l'Europa y ie la sënta de la Banca Zentrala Europeica, Deutsche Bundesbank, la Borsa de Frankfurt, Deutsche Bank, DZ Bank, KfW, Commerzbank y n grum de autra istituzions. La fiera de Frankfurt (Messe Frankfurt) ie una de la majera fieres al mond. Ilò ie uni ann la fiera dl liber de Frankfurt, che ie la majera fiera de libri al mond.

A Frankfurt dal n grum de istituzions de educazion mpurtantes sciche la Università de Goethe, la UAS, FUMPA, la Frankfurt School of Finance & Management.

1. ↑ https://statistik.hessen.de/publikationen/kreise-und-gemeinden-hessen.
2. ↑ https://www.destatis.de/DE/ZahlenFakten/LaenderRegionen/Regionales/Gemeindeverzeichnis/Administrativ/Aktuell/05Staedte.html.
3. ↑ ^{3,0 3,1} "Alle politisch selbständigen Gemeinden mit ausgewählten Merkmalen am 31.12.2018 (4. Quartal)". Archivià da l uriginel ai 10 merz 2019. Trat ite ai 10 merz 2019.
4. ↑ https://www.statistikportal.de/de/produkte/gemeindeverzeichnis.
5. ↑ https://www.statistikportal.de/de/produkte/gemeindeverzeichnis.
6. ↑ https://frankfurt.de/aktuelle-meldung/meldungen/bevoelkerungszahl-auf-neuem-allzeithoch/.
7. ↑ https://www.destatis.de/DE/Themen/Laender-Regionen/Regionales/Gemeindeverzeichnis/_inhalt.html Statistisches Bundesamt – Gemeindeverzeichnis