Viena

Articul per Ladin Gherdëina

Viena
Wien (tudësch)
Nfurmazions prinzipeles
Stat	Austria Austria
Stat federel	Wien Viena
Raion	Zità dl statut
Populazion	1 973 403 ab. (1 utober 2022)
Densità	4 757,7 ab./km²
Geografia
Coordinedes	48°12′N 16°22′E / 48.200°N 16.367°E / 48.200; 16.367
Autëza	151, 198 m sëura l livel dl mer
Spersa	414,8 km²
Auter
Denuminazion	Wiener/Wienerin
Gemeindekennziffer	90001
Codesc de la posta	1000–1239, 1400, 1402, 1251–1255, 1300–1301, 1421, 1423, 1500, 1502–1503, 1600–1601, 1810, 1901
Prefis dl telefon	01
Targa de l'auto	W
Cherta
Viena Viena (Austria)
Cherta de Viena

Viena (tudësch: Wien, austro-bavaresc: Wean) ie la capitela y majera zità de l'Austria y ënghe un di 9 stac federei (Bundesländer). La zità à na populazion de zirca 2 milions, cun 2,6 milions tl raion urban, cie che ie belau n terz de la populazion de l'Austria. La ie la sesta majera zità de l'Union Europea ncont de abitanc te i cunfins dl chemun. Viena ie te l'est de l'Austria daujin al cunfin cun la Slovachia, la Republica Ceca y l'Ungaria, cun chëi che Viena lëura scialdi adum.
Nfin al scumenciamënt dl 20ejim secul fova Viena la majera zità tl mond tudësch y la ova ntëur ai 2 milions de abitanc dan la tumeda de l'Austria-Ungaria. Al didancuei iel la segonda majera zità tl mond tudësch do Berlin. A Viena à si sënta n grum de organisazions nternaziuneles sciche n valgun dipartimënc de la Nazions Unides, la OPEC y la OSCE.
Viena ie cunesciuda per avëi na cualità de vita scialdi auta. Tl 2005 ova na nrescida de la Economist Intelligence Unit de 127 ziteies al mond metù Viena al prim post (adum cun Vancouver y San Francisco) ncont de cualità de vita. Dal 2011 al 2015 fova Viena segonda do Melbourne.