Back Železniční trať Svatý Mořic – Tirano Czech Berninabahn German Bernina railway line English Línea del Bernina Spanish راهآهن برنینا Persian Berninan rautatie Finnish Ligne de la Bernina French Bernina-vasút Hungarian Bernina-fervoyo IO Ferrovia del Bernina Italian
La Ferrovia del Bernina a l'è 'na ferrovia internazional a scartament metrich che la conliga la città lombarda de Tiran a la città svizzera de Sankt Moritz operada de la Ferrovia Retiga.
L'è stada fada su in tra el 1906 e 'l 1910 per di reson turistegh e de straport di passegee e di merci e grazia al sò desvilupp ingegneristegh a l'è la ferrovia a aderenza natural la pussee in alt di Alp, oltra che voeuna di pussee riped in del mond. Verta in principi domà in l'estad, del 1914 l'è verta tutt l'ann.
In del 2008 l'è missa, insemma a l'arenta Ferrovia de l'Albula, in di patrimoni de l'umanità de l'UNESCO come esempi de ingegneria avanzada e de ferrovia panoramica alpina.
L'è gemellada con la ferrovia giapponesa Hakone Tozan, costruida in manera compagna a quella del Bernina e 'me simbol del gemellagg i cartej di stazion de Sankt Moritz, Tiran e Alp Grüm hinn scricc anca in giappones.