L'HP 9100A a l'è on calcolator de tavol, vendud anca 'me calcolatris programmabel, faa de la Hewlett Packard in del 1968. El gh'aveva on monitor de trè righ e 'l salvava i sò informazion in su 'na cartolina magnetica, soluzion doperada cont licenza Olivetti. Differentement de la coeva Programma 101 el doperava la notazion polacca inversa e minga on sistema assembly e la permetteva de messedà istruzion e dacc, tant de avègh del codes che 'l muda deperlù, che 'l permett de classifegàlla 'me architettura de Von Neumann piena. El doperava el binary-coded decimal per salvà dacc e istruzion.