Selmo de Bagg

Quest articol chì l'è scrivud in lombard, con la Noeuva Ortografia Lombarda

Disambiguazzion – Se te see 'dree a cercà el so barba elesgiud Papa, varda Papa Lissander II.

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

El Selmo de Bagg (Milan, intorna al 1035 - Mantoa, 18 de marz 1086) a l'è stad un vescov e cardinal lombard, nevod (e omonem) del Papa Lissander II e venerad 'me sant de la Gesa catolega, che 'l considera el patron de Mantoa. Se pensa che 'l sia stad ordenad propi del so barba.

Benedetin, l'è fad vescov de Lucca del 1073, al temp de la lota per i investidure, el gh'ha de scapà del 1081 per via de un moviment che 'l mena a un scisma, e l'è regolt de la Matilde de Canossa, del che l'era consejer spirtual, in la badia de San Benedet in Poliron, e l'è fad vicari del Papa, e 'l se impegna in la reforma gregoriana.

El moeur el 18 de marz 1086 e 'l voleva vesser mitud sota in la badia ma l'Ubald e 'l Bonizzon de Sutri el fann meter sota in la catedral de la cità, vista 'me pussee bona per un vescov. El so corp l'è trovad intregh e l'è in del Dom de Mantoa anca incoeu, indova che el dì de la mort l'è mitud in mostra ai fedei.

In del so quarter de origin, Bagg, gh'hann dedicad una gesa parochial.