Degradasi Alas

Degradasi alas iyâ arèya kabâḍâ'ân è dimma alas sètoron ondâgghâ macemma tombuwân bân kebânna, aropaaghi ollena ḍâri bâḍâna bhungkan sè ètebbhâng kalabân ros-terrosan otabâ coaca sè ta' nanto, saengghâ dhâddhi panoronan jumla tombuwân bân kebân sè ce' rajhâna bân ngakibatè panoronan macemma hayati. Degradasi alas rèya aropaaghi masala sè ongghu bâgi sakabbhina nagârâ. Mon degradasi alas ta' bisa eatasè, kantos populasi sè bâḍâ è ḍâlem alas kasebbhut bhâkal elang bân popos. Kalabân kadhâddhiyân degradasi, kebân-kebân bhâkal ta' anḍi'e kennéngan sé ekennengna bân bu-tombuwân bhâkal ta' atombu, pole manossa kèya lekkas otabâ ambhât bhâkal arassa'aghi pangkèbhât ḍâri degradasi alas. Saengghâ degradasi alas réya kodhu saceppetta eatasè.^[1]

Bhâkto kadhâddhiyân degradasi, alas ghi' pagghun bâḍâ namong ta' bisa afungsi kalabân teppa' bân ghun "cangkang"-nga saos. Contona akadhi fungsi alas dhâddhi penyuplai oksigen. Alas sè ngalamè degradasi ta' bisa ajalánaghi fungsina polana alas la elang pan-berempan macem tombuwân bhiru sé eghunaaghi ghâbây merri' oksigen bâgi manossa tor makhlok laènna.

Namong, degradasi rèya bisa sadhâjâ epon atasè kalabân ngalakonè reboisasi bân ceggetna bisa ekalakonè bi' merri' kabijhâghân otabâ okom sè berra' mongghu ḍâ' para pelako patebbhângan lèyar otabâ saos ngala' asèlla alas sacara jhâ-rajhâ tanpa mekkere karosaghân sè eolle ḍâri kalakoan kasebbhut.

1. ↑ "What is Forest Degradation and What are Various Causes of it". Earth Eclipse. 19 April 2016. Aksès 2023-09-16.