Komplikasi bhubhut

Komplikasi bhubhut iyâ arèya masalah kasehadhân sè èalami è bâkto bhubhut. Komplikasi sè èkaollè è bâkto ngalahèrraghi èsebbhut komplikasi kalahèran obstetri, masalah sè èkaolle è bâkto ngalahèrraghi èsebbhut gangguan samarèna lahèr. Maskè bâdâ komplikasi sè bisa bhâghus polè otabâ èpaèlang samporna saamponna bhubhut, tapè bisa andi' masalah, sè bisa aghâbây morbiditas, otabâ è kasus sè palèng sarah bisa aghâbây kamatèan èbhu otabâ janin^[1]. Bânnya' komplikasi umum è bâkto bhubhut è antarana anemia, diabetes gestasional, infeksi, hipertensi gestasional, bân preeklamsia.Bâdâna komplikasi nèka bisa èpangaro monitoring laboratorium, pencitraan, bân manajemen medis è bâkto ghi' bhubhut.

Bhubhut nèka proses fisiologis, namong è dâlem kabâdâ'an tartanto è bâkto perkembanganna komplikasi bisa èkaolle sè bisa mabâhaya'aghi embu' bân ana'.^[2] Bhubhut sè andi' rèsiko rendâ otabâ tèngghi bhâkal aghâdhuè dampak dâ' kalahèran sè langsung aghâbây morbiditas bân kamatèan ghâbây embu' bân ana'.

Komplikasi sè parah è bâkto ngandhung, èlahèrraghi, bân è bâkto pasca nifas èkaolle è sekitar 1,6% èbhu è Amèrika Serikat, bân è sekitar 1,5% èbhu è Kanada. Saellana alahèrragi (bâkto samarèna nifas), antara 87% bân 94% bhâbinè' ngalaporaghi ngalamè palèng sakonè'na sèttong masalah kasèhadhân. Ra-kèra 31% dâri bhâbinè'an ngalaporaghi ngadhebbi masalah kasèhadhân sè èterrossaghi ennem bulân samarèna nifas. È taon 2016, komplikasi è bâkto bhubhut, alahèrraghi bân è bâkto samarèna nifas bisa nyebabaghi 230.600 orèng matè è dhunnya. Sabâb kematèan èbhu sè palèng umum è antarana pendarahan èbhu, infeksi samarèna nifas è antarana sepsis, hipertensi è bâkto bhubhut, parsalènan sè ta' aman, bân aborsi sè ta' aman.^[2]

1. ↑ Agustin, Sienny. “5 Komplikasi Kehamilan yang Paling Umum Terjadi". Alodokter. 2023-02-07. Aksès 2024-08-25.
2. ↑ ^{2,0 2,1} Bayuana, Asa. Et.al “Komplikasi Pada Kehamilan, Persalinan, Nifas dan Bayi Baru Lahir: Literature Review”. Jurnal Wacana Kesehatan.  2023-07. Aksès 2024-08-25