Afganistan

Afganistan ⁱ/æfˈɡænɨstæn/ (Pashto/Dari: افغانستان‎, Afġānistān), rasminyo Republik Islam Afganistan, adolah sabuah nagara badaulaik nan talatak di Asia Tangah. Babateh di selatan jo Pakistan; di barat jo Iran; di utara jo Turkmenistan, Uzbekistan sarato Tajikistan; jo Cino di utara jauah. Wilayahnyo mancakuik 652.000 jiwa km² (252.000 mil persegi), manjadian nagara tagadang ka-41 di dunia. Afghanistan bapanduduak labiah kurang 31,4 juta pado taun 2020, jo panduduak nan tamasuak 3 kalompok etnis utamo, Pashtun, Persia ( Tajik, Hazara & Aimak ), jo Uzbek. Kabul adolah ibu kota jo kota tagadang di Afghanistan.^{[lower-alpha 1]}

Manusia alah iduik di Afghanistan sajak Zaman Batu Tuo Patangahan (Paleolitik). Kadakek-an Jalur Sutera mahubuangkan nagara ko jo Eropa jo bagian-bagian Asia lainnyo. Sapanjang abaik-abaik, Afghanistan alah manjadi tampek tingga bagi banyak urang dan alah manjadi tujuan kampanye militer, tarutamo kampanye militer Iskandar Zulkarnain, Maurya, Arab Muslim, Kakaisaran Mongol, Inggirih, Kakaisaran Rusia, Uni Soviet, jo nan ado di Amerika Serikat. Afghanistan juo marupoan tampek dinasti Kushan, Hun Putiah, Samanid, Safarid, Ghaznavid, Gurid, Khilji, Mughal, Hotaki, Durrani jo dinasti-dinasti lainnyo alah bangkik jo mambantuak karajaan-karajaan gadang.

Sijarah politik Afghanistan modern dimulai jo panguasoan Kakaisaran Hotaki jo Durrani pado Abaik ka-18. Pado akhia Abaik ka-19, Afghanistan manjadi nagara panyangga antaro Kakaisaran Rusia jo Raj Inggirih. Sasudah Parang Afghanistan Katigo pado taun 1919, Rajo Amannullah mancubo untuak mamodernisasi Afghanistan, namun gagal dalamnyo. Afghanistan manjadi nagara damai salamo ampek puluah taun pamarintahan Zahir Shah. Pado taun 1970-an, sarangkaian kudeta atau panyitaan kakuasoan sacaro ganas nan diikuti jo sarangkaian parang saudara mahancuakan sabagian gadang Afghanistan. Kajadian-kajadian iko dimulai katiko nagara ko manjadi nagara sosialis di bawah pangaruah Uni Soviet salamo Parang Soviet-Afghan.

Sasudah pasukan Soviet maninggaan Afghanistan, nagara iko manjadi nagara Islam jo Pajanjian Peshawar, tapi sabagian gadang wilayahnyo dikuasoi dek pajuang Taliban nan mamarintah nagara iko salamo ampia limo taun jo panegakan total Syariat Islam. Sajak panyarangan 11 September 2001 ka Amerika, Taliban dipaso kalua dari Afghanistan dek koalisi nan dipimpin dek NATO karano mareka manyambunyikan tampek barado pajuang gadang Osama bin Laden (pandiri Al Qaeda). Politik Afghanistan diganti jo pamarintahan nan pro-Barat nan dipiliah malalui proses demokratis.

Pado 2021, salapeh 20 taun parang, Presiden AS Joe Biden mamutuihan untuak manarik sadoalah pasukan AS dari Afghanistan. Kaputusan iko mambari ruang bagi Taliban untuak babaliak bakuaso, Taliban bahasil masuak ka Kabul, ibu kota Afghanistan, pado tanggal 15 Agustus 2021.^[1] Afghanistan kamudian manjadi nagara Islam nan managakan Islam sabagai agamo jo hukum rasmi.

Kutipan rusak: Tag <ref> ado untuak grup banamo "lower-alpha", tapi indak ado <references group="lower-alpha"/>

1. ↑ "The fall of Kabul: a 20-year mission collapses in a single day". the Guardian (dalam bahasa Inggris). 2021-08-15. Diakses tanggal 3 Oktober 2024.