Amman

Amman adolah ibu kota jo kota tagadang nagara Yordania nan talatak di Dataran Tinggi Tapi Timur, sabuah dataran tinggi nan ditandoi jo tigo wadi gadang nan malintehinyo. Pado tahun 2021, panduduaknyo bajumlah 4.061.150 jiwa, manjadiannyo kota nan paliang gadang di Syam, kota tagadang kalimo di dunia Arab, sarato wilayah metropolitan tagadang kasapuluah di Timur Tangah.^[1] Iko marupokan pusek pamarentahan, ekonomi, jo budaya nagara.^[2]

Bukti paliang awal pamukiman di Amman baasa dari milenium ka-8 SM di 'Ain Ghazal, rumah bagi patuang manusia tatuo di dunia.^[3] Kota tu dikenal sabagai Rabat Aman pado milenium ka-2 SM, bafungsi sabagai ibu kota Karajaan Amon. Pado abaik ka-3 SM, kota tu baganti namo manjadi Philadelphia jo manjadi salah ciek dari sapuluah kota Yunani-Romawi di Dekapolis.^[4][5] Kamudian pado maso Khulafaur Rasyidin abaik ka-7 M, kota tu banamo Amman. Dari abaik ka-15 hinggo tahun 1878, kota tu sabagian gadang ditinggaan hinggo Kasultanan Utsmaniyah mamukiman urang Sirkasia di sinan jo mangalami patumbuham sasudah tahun 1904. Kamudian kota tu manjadi ibu kota Transyordania pado tahun 1921 sarato ibu kota nagara Yordania pado tahun 1946.^[6]

1. ↑ "Population Estimates for The End of 2021" (PDF). Department of Statistics (DoS). January 2022. Diarsipkan dari versi asli (PDF) tanggal 28 November 2020. Diakses tanggal 20 November 2021.  Parameter |url-status= yang tidak diketahui akan diabaikan (bantuan)
2. ↑ "Revealed: the 20 cities UAE residents visit most". Arabian Business Publishing Ltd. 1 May 2015. Diarsipkan dari versi asli tanggal 26 September 2015. Diakses tanggal 21 September 2015.  Parameter |url-status= yang tidak diketahui akan diabaikan (bantuan)
3. ↑ "Lime Plaster statues". British Museum. Trustees of the British Museum. Diarsipkan dari versi asli tanggal 12 September 2015. Diakses tanggal 1 June 2016. 
4. ↑ "The Old Testament Kingdoms of Jordan". kinghussein.gov.jo. Diarsipkan dari versi asli tanggal 6 May 2009. Diakses tanggal 10 October 2015.  Parameter |url-status= yang tidak diketahui akan diabaikan (bantuan)
5. ↑ "The Hellenistic Period". kinghussein.gov.jo. Diarsipkan dari versi asli tanggal 1 July 2015. Diakses tanggal 22 September 2015.  Parameter |url-status= yang tidak diketahui akan diabaikan (bantuan)
6. ↑ Michael Dumper; Bruce E. Stanley (2007). Cities of the Middle East and North Africa: A Historical Encyclopedia. ABC-CLIO. p. 35. ISBN 978-1-57607-919-5. https://books.google.com/books?id=3SapTk5iGDkC&pg=PA35. Diakses pado 23 September 2015.