Arat Sabulungan adolah kapicayoan asli dek masyarakaik suku bangso Mentawai nan barasa dari Kabupaten Kepulauan Mentawai, Provinsi Sumatra Barat, Indonesia, taristimewa urang Sakuddei di pulau Siberut. Sacaro bahaso, Arat bararti adaik, Sa bararti sakitar, jo bulungan aratinyo daun.[1] Sabutan Sabulungan lahia karano acara ritualnyo salalu manggunoan daun-daun nan dipacayo dapek manjadi parantara hubungan manusia jo tuhan nan disabuik jo Ulau Manua.[2][3]
Pado mulonyo, istilah arat indak digunoan jo namo nan labiah acok dipakai adolah punen nan punyo arti kagiatan, upacara, atau pesta. Sairiang bajalan wakatu, istilah arat digunokan pado maso 1950-an untuak manyabuik kapicayoan iko. Jadi, kato arat marujuak kapado agamo atau ideologi samantaro itu punen labiah acok marujuak ka parayaan sarato upacara.[4]
Dipanggunoannyo istilah arat dibantuak dek paraluan pamarintah jo misionaris untuak manyabuik babarapo agamo, tamasuak sistem kepercayaan tradisional. Sabulungan iko digarakkan sabagai agamo sasudah ditambahi istilah arat. Istilah iko juo disabuik jo agamo nan dibawok dari lua Mentawai sarupo agamo Katolik, agamo Protestan, jo agamo Islam.[4]
Kapicayoan Arat Sabulungan tadiri dari duo kapicayoan, iyolah kapicayoannyo tantang hubungan gaib antaro bamacam-macam hal. Nan kaduo, ado kakuatan gaib nan mampunyoi daya tarik tapi indak ado di alam manusia.[1] Walaupun mayoritas urang Mentawai alah manjadi Katolik di sampiang Protestan, Islam, atau Bahá'í, agamo Arat Sabulungan masih mampu bertahan samo jo babarapo panduduaknyo.[3]
Arat Sabulungan maajakan kasaimbangan antaro alam jo manusia. Artinyo, manusia patuik malakukan alam jo alamnyo sarupo tanaman, aia, jo binatang sarupo jo diri. Ajaran tantang keseimbangan manusia jo alam tagarek dari baa alam dimaknai dek panduduaknyo. Alam dianggap sabagai tampek tingga dewa, sainggo inyo musti di aromati. Jikok indak ado sikap hormat, maka manusia ka dilamun.[3] Menurut antropolog Reimar Schefold, pandangan urang Mentawai tantang alam sekitar jo alam semesta indak barasa dari kisah-kisah dongeng, tapi dari kisah nan pernah tajadi.[5]
Di zaman kuno, Arat Sabulungan manjadi standar untuak manyatokan hubungan antaro manusia jo alam jo dalam hubungan batin jo Tuhan. Dari siko, urang Mentawai ma aromaik alam. Jikok alam ko dihancurkan, mako urang nan punyo kakuatan nan sangaik gadang, ka mambuek musibah. Untuak manyalasaikan aturan, ado hukumannyo. Hukuman iko ditantukan malalui musyawarah di uma. Jikok ado surang urang nan malanggarnyo, mako kasadonyo urang di masyarakaik ko pun ka dihukumnyo.[3]
Kapicayoan Arat Sabulungan manganduang duo kayakinan, yaitunyo kayakinan manganai adonyo hubungan gaib antaro babagai hal nan babeda. Kamudian kayakinan kaduo adolah adonyo kakuatan gaib nan mampunyoi kasaktian namun indak bakamauan dalam alam sakitar manusia. Meski mayoritas masyarakaik Mentawai alah manganut agamo Katolik di samping Protestan, Islam, atau Baha'i, kapicayoan Arat Sabulungan masih mampu batahan basamo sabagian panganutnyo.[4]
- ↑ a b "Arat Sabulungan; Kepercayaan Orang Mentawai". WACANA (dalam bahasa Inggris). 2013-05-16. Diakses tanggal 30 September 2023.
- ↑ Agency, ANTARA News (2008-08-22). "Arat Sabulungan". Antara News Sumbar. Diakses tanggal 2023-09-23.
- ↑ a b c d "Arat Sabulungan, Agama Asli Mentawai yang Nyaris Punah". Sportourism.id (dalam bahasa Indonesia). Diakses tanggal 30 September 2023.
- ↑ a b c Kornelius Glossanto, (2019), Sabulungan dalam Tegangan Identitas Budaya: Kajian atas Religi Orang Mentawai di Siberut Selatan,Tesis Program Magister Ilmu Religi dan Budaya Universitas Sanata Dharma Yogyakarta, Hal.39-101.
- ↑ "Kisah Penggulungan Arat Sabulungan, Agama Asli Mentawai | Padangkita.com". Berita Sumatera Barat Terkini (dalam bahasa Indonesia). 2017-11-08. Diakses tanggal 2019-04-09.