Back Governador General de les Índies Orientals Neerlandeses Catalan Governor-General of the Dutch East Indies English Gobernador general de las Indias Orientales Neerlandesas Spanish فرماندار کل هند شرقی هلند Persian Gouverneur général des Indes néerlandaises French Gubernur Jenderal Hindia Belanda ID Governatore generale delle Indie orientali olandesi Italian オランダ領東インド総督 Japanese Gouverneur-generaal van Nederlands-Indië Dutch Governador-geral das Índias Orientais Neerlandesas Portuguese
Jabatan Gubernur-Jenderal (Balando: Gouverneur-Generaal) adolah jabatan panguaso paliang tinggi dalam pamarentahan Hindia Balando nan baru dibuek pado tahun 1691. Sasudah bangkrutnyo VOC pado tahun 1799, aset-aset VOC di Hindia Balando disarahan kapado pamarentahan Balando, sahinggo mulai sangkek itu saurang Gubernur Jenderal sabana manjadi wakia dari pamarentahan Balando. Jabatan Gubernur Jenderal hanyo ado di wilayah jajahan Balando di Hindia Balando. Di Suriname, jajahan Balando nan lain, gala iko hanyo Gubernur sajo. Halaman iko mamuek ihwal daftar Gubernur-Jenderal Hindia Belanda.
Gubernur-Jenderal Hindia Balando nan paliang akhia adolah Alidius Tjarda van Starkenborgh Stachouwer. Inyo ditangkok dek pasukan Japang pado tahun 1942. Sasudah inyo, memang masih ado panguaso Hindia Balando, yaitu Hubertus Johannes van Mook, Louis Joseph Maria Beel, jo A.H.J. Lovink, tapi salain legitimasinya diraguan, nomenklaturnyo barado di bawah gubernur jenderal.[1]
Daftar barikuik iko mamuek namo-namo panguaso Hindia Balando dari maso VOC, pamarentahan Karajaan Balando, pamarentahan Karajaan Inggirih, hinggo maso pandudukan Kakaisaran Japang, jo pangakuan kadaulatan Republik Indonesia. Pado maso VOC jo panjajahan pamarentahan Karajaan Balando, para panguaso iko biasonyo punyo gala Gubernur-Jenderal. Pado maso kakuasaan pamarentahan Karajaan Inggirih (1811–1816), jabatan iko disabuik Lieutenant-Governor ("Gubernur-Letnan").[2][3]