Galamai adolah salah ciek makanan khas dari Payokumbuah, Sumatera Barat. Makanan nan tradisional ko mampunyoi bantuak bawarna itam. Raso nyo taraso kenyal katiko digigik sarato jo manih pulo rasonyo. Makanan iko biasonyo tabuek dari tapuang bareh katan, santan jo gulo anau atau saka. Di tampek atau didaerah lain, makanan iko bantuaknyo mirip jo dodol nan alah dibungkuih rapi.[1] Karano marupoan makanan khas daerah Payokumbuah atau makanan nan tradisional, galamai ko manjadi oleh-oleh nan acok dibawok parantau minang nan baliak ka rantau atapun dibali dek wisatawan nan sadang bakunjuang jo baliburan di Sumatera Barat.[2] Salain dijadian sabagai buah tangan atau oleh-oleh, galamai ko acok pulo dijadian makanan palangkok di acara-acara baralek atau katiko hari rayo gadang.[3]
- ↑ ADLIN, RISKI (2017-04-19). "IDENTIFIKASI PROSES PENGOLAHAN DAN KAJIAN SOSIO-TEKNO EKONOMI GALAMAI DIKOTO NAN IV PARIT RANTANG KOTA PAYAKUMBUH" (dalam bahasa Indonesia). Diakses tanggal 2021-01-15.
- ↑ Kaya, Indonesia. "Galamai, Si Legit Nan Kenyal dari Payakumbuh : Kuliner - Situs Budaya Indonesia". IndonesiaKaya (dalam bahasa Indonesia). Diakses tanggal 2021-01-12.
- ↑ Anggraini, Dewi. "Galamai, Karak Kaliang hingga Randang Talua, Oleh-oleh Wajib Jika ke Payakumbuh". detikfood (dalam bahasa Indonesia). Diakses tanggal 2021-01-15.[pranala nonaktif permanen]