Gunuang Kinabalu

Gunuang Kinabalu
Gunung Kinabalu / ݢونوڠ کينبالو
Katinggian	4,095 m (13,435 ft)
Puncak	4,095 m (13,435 ft) Paringkek ka-20
Daftar	Titiak tatinggi nagara Ultra Spesial (Ribu)
Lokasi
Peta manunjuakan lokasi Gunuang Kinabalu di Malaysia.
Latak	Bagian Pantai Barat, Sabah, Malaysia
Jajaran	Pagunuangan Crocker
Koordinat	6°5′N 116°33′E / 6.083°N 116.550°E / 6.083; 116.550Koordinat: 6°5′N 116°33′E / 6.083°N 116.550°E / 6.083; 116.550
Pandakian
Rute mudah	Pandakian (hiking)

Gunuang Kinabalu (Melayu: Gunung Kinabalu) adolah ciek gunuang nan talatak di Bagian Pantai Barat, Sabah, Malaysia. Gunuang iko talinduangi dalam Taman Nasional Kinabalu, nan marupoan Situs Warisan Dunia. Kinabalu adolah gunuang nan tatinggi pado Pagunuangan Crocker di Kalimantan, sarato nan tatinggi pulo di Kapulauan Malayu jo di nagara Malaysia.^{[note 1]} Gunuang Kinabalu tamasuak dalam paringkek ka-20 di dunia manuruik kamanonjolan topografisnyo (topographic prominence).^[1]

Pado taun 1997, suatu survei ulang manggunoan teknologi satelit manatapan baso pucuak tatingginyo (yaitu Low's Peak) bakatinggian 4,095 meters (13,435 ft) di ateh pamukoan lauik, yaitu sakita 6 meters (20 ft) kurangnyo daripado katinggian nan dianggap jo dipublikasikan sabalunnyo pado 4,101 meters (13,455 ft).^[2]

Gunuang Kinabalu maliputi kawasan ekologi padang rumpuik pagunuangan Kinabalu, barupo bioma tipe padang rumpuik jo samak baluka pagunuangan. Gunuang jo kawasan sakitanyo dianggap salah satu situs biologi nan paling pantiang di dunia, di mano tadapek antaro 5.000 inggo 6,000 spesies tumbuahan, 326 spesies buruang, sarato labiah dari 100 spesies mamalia nan taidentifikasi. Di antaro bajinih-jinih kaidupan alam lia nan kayo iko tamasuak pulo spesies tanamo sarupo bungo Rafflesia jo urangutan. Gunuang Kinabalu alah tacantum sabagai situs Warisan Dunia UNESCO.^[3][4][5]

Low's Peak dapek didaki dek urang nan bakondisi fisik baik jo indak paralu mamakai parlangkapan panjek gunuang untuak manampuah sapanjang jalua utamonyo, tapi para pandaki aruih ditamani satiok wakatu jo panunjuak jalan (guide) nan taakreditasi manuruik paraturan taman nasional itu, sarato dapek juo tasarang panyakik katinggian (altitude sickness).^[6]

Kutipan rusak: Tag <ref> ado untuak grup banamo "note", tapi indak ado <references group="note"/>

1. ↑ "World Top 50 Most Prominent Peaks". Peaklist.org. Diakses tanggal 21 November 2011. 
2. ↑ Phillipps, A. & F. Liew 2000. Globetrotter Visitor's Guide – Kinabalu Park. New Holland Publishers (UK) Ltd.
3. ↑ "Kinabalu Park". UNESCO World Heritage Centre. Diakses tanggal 7 June 2015. 
4. ↑ Michael Aquino. "Mount Kinabalu, Malaysia". About.com Travel. Diarsipkan dari versi asli tanggal 4 April 2015. Diakses tanggal 7 June 2015. 
5. ↑ "Mount Kinabalu – revered abode of the dead". Ecology Asia. Diakses tanggal 7 June 2015. 
6. ↑ Simon Richmond (2010). Malaysia, Singapore & Brunei. Lonely Planet. pp. 360–. ISBN 978-1-74104-887-2. https://books.google.com/books?id=VMKOuzRxOJsC&pg=PA360.