Kapulauan Solomon

Kapulauan Solomon,^[1] atau Solomon sajo,^[2] adolah sabuah nagara nan tadiri dari anam pulau gadang jo labiah dari 900 pulau ketek di Melanesia, bagian dari Oseania, di timur Australia. Babatehan lansuang jo Papua Nugini di barat, Australia di barat daya, Kaledonia Baru jo Vanuatu di tenggara, Fiji, Wallis jo Futuna, jo Tuvalu di timur, sarato Nauru jo Federasi Mikronesia di utara. Nagara ko punyo laweh 28.896 kilometer persegi (11.157 mil persegi).^[3] Ibu kota jo kota tagadangnyo iolah Honiara nan talatak di pulau Guadalkanal.

Politik nagara ko balansuang dalam karangko monarki konstitusional perwakilan parlementer nan demokratis, jo sistem multi partai. Kapalo nagaranyo iolah Rajo atau Ratu nan diwakian dek Gubernur Jenderal, sarato kapalo pamarentahan dipimpin dek Pardana Mantari.^[4] Badan legislatifnyo Parlemen Nasional nan tadiri dari 50 anggota, dipiliah untuak maso jabatan ampek tahun di daerah pamilihan ciek kursi.^[5] Peradilan independen dari eksekutif jo legislatif, namun hakimnyo banyak nan dari lua, tautamo hakim pengadilan banding.^[6]

Pado tahun 2021, dipakiroan panduduak Solomon bajumlah 707.851 jiwa, manurun dibandiangan pado hasia sensus 2019 nan bajumlah 721.455 jiwa.^[7][8] Mayoritas dari etnis Melanesia (95,3%). Polinesia (3,1%) jo Mikronesia (1,2%) adolah duo kalompok pantiang lainnyo.^[9] Ado pulo babarapo ribu urang Eropa jo Cino.^[10] Sabagian gadang dari panduduaknyo manganuik agamo Kristen, utamonyo Anglikan.^[11]

1. ↑ "Solomon Islands country brief". Diarsipkan dari versi asli tanggal 22 December 2022. Diakses tanggal 22 December 2022.  Parameter |url-status= yang tidak diketahui akan diabaikan (bantuan)
2. ↑ John Prados, Islands of Destiny, Dutton Caliber, 2012, p,20 and passim
3. ↑ "Solomon Islands: Geography". CIA Factbook. Diarsipkan dari versi asli tanggal 22 October 2021. Diakses tanggal 25 July 2023.  Parameter |url-status= yang tidak diketahui akan diabaikan (bantuan)
4. ↑ "Politics and Economics of Solomon Islands". Solomon Business Registry. 
5. ↑ "Solomon Islands". Freedom House. 
6. ↑ "Judicial System of Solomon Islands" Archived 2024-06-14 di Wayback Machine., Commonwealth Governance
7. ↑ "World Population Prospects 2022". United Nations Department of Economic and Social Affairs, Population Division. Diakses tanggal July 17, 2022. 
8. ↑ "World Population Prospects 2022: Demographic indicators by region, subregion and country, annually for 1950-2100" ("Total Population, as of 1 July (thousands)"). United Nations Department of Economic and Social Affairs, Population Division. Diarsipkan dari versi asli (XSLX) tanggal March 6, 2023. Diakses tanggal July 17, 2022. 
9. ↑ CIA World Factbook. Country profile: Solomon Islands Archived 22 October 2021 di Wayback Machine.. Retrieved 21 October 2006.
10. ↑ Spiller, Penny: "Riots highlight Chinese tensions Archived 2 December 2012 di Wayback Machine.", BBC News, Friday, 21 April 2006, 18:57 GMT
11. ↑ "Solomon Islands 2018 International Religious Freedom Report" (PDF). International Religious Freedom Report. 2018.