Lintah

Lintah
Saikua lintah di ateh batu
Klasifikasi ilmiah
Kingdom:	Animalia
Phylum:	Annelida
Class:	Clitellata
Subclass:	Hirudinea Lamarck, 1818
Ordo
Arhynchobdellida atau Rhynchobdellida Ado kaindaksapakatan tantang pangalompokkan Hirudinea; apokoh samustinyo barupo kelas surang atau subkelas dari Clitellata.

Lintah adolah binatang aia sarupo caciang, babadan pipih bagalang-galang, barono itam atau cokelat tuo, pado kepalo jo ujuang badannyo ado alaik untuak maisok darah.^[1]

Binatang ko tagabuang dalam filum Annelida dalam kelas Hirudinea. Lintah atau Hirudinea marupokan Upakelas nan mambawahi baragam jinih spesies lintah jo acek. Anggota jinih caciang ko indak mampunyoi abuak, parapodia, jo seta.^[2]

Ado jinih lintah nan dapek iduik di daratan, aia tawa, jo lauik. Sarupo halnyo karabaiknyo, Oligochaeta, mampunyoi klitelum untuak manyimpan talua-talua pado segmen-segmen tatantu. Sarupo Oligochaeta, lintah pun hermafrodit (bakalamin gando). Lintah ubek Eropa, Hirudo medicinalis, alah sajak lamo dimanfaatkan untuak mangaluaan darah (plebotomi) sacaro medis.^[3]

Binatang sajinih lintah tamasuak pulo pacet. Namun lintah dibedakan dari acek bukan manuruik taksonomi, tapi labiah pado habitat sukaannyo. Lintah saari-ari iduik di aia, sadangkan acek saari-arinyo malakek pado daun atau batang pohon (di lua aia).^[4][5]

Sadoalah spesies lintah adolah karnivora. Babarapo marupokan predator, mandapek makanan dari baragam jinih invertebrata sarupo caciang, sipuik, atau larva serangga.^[6]

Bantuak tubuah lintah ko pipih, basegmen, mampunyoi rono kacokelatan, dan basipaik hemaprodit. Pado musim kawin, klitelum akan kalua. Salapeh tajadi pakawinan, alaik tasabuik mansekresikan kokon untuak manyimpan talua jo sperma. Salain itu lintah pun dapek digunokan untuak pangobatan.^[7]

1. ↑ "Arti kata lintah - Kamus Besar Bahasa Indonesia (KBBI) Online". kbbi.web.id. Diakses tanggal 2019-08-14. 
2. ↑ Buku sekolah elektronik Moch Anshori, Djoko Martono (2009). Biologi 1 : Untuk Sekolah Menengah Atas (SMA)-Madrasah Aliyah (MA) Kelas X. Jakarta: Pusat Perbukuan Departemen Pendidikan Nasional. ISBN : 978-979-068-129-3 ( no.jil.lengkap) / ISBN : 978-979-068-130-9. http://bse.depdiknas.go.id/. Diakses pado 6 Oktober 2019. 
3. ↑ Kompasiana.com. "LINTAH (Hirudo medicinalis) sebagai Bioindikator Pencemaran Lingkungan Perairan Tawar". KOMPASIANA (dalam bahasa Indonesia). Diakses tanggal 2019-08-14. 
4. ↑ "Sama-Sama Senang Mengisap Darah, Apa Bedanya Lintah dan Pacet? - Semua Halaman - Bobo.Grid.ID". Bobo.ID (dalam bahasa Indonesia). Diakses tanggal 2019-08-14. 
5. ↑ Ramadhani, Maysi. "Makalah annelida" (dalam bahasa Inggris). 
6. ↑ "About: Hirudinea". dbpedia.cs.ui.ac.id. Diarsipkan dari versi asli tanggal 2019-08-14. Diakses tanggal 2019-08-14. 
7. ↑ Buku sekolah elektronik Idun Kistinnah, Endang Sri Lestari (2009). Biologi 1 : Makhluk Hidup dan Lingkungannya Untuk SMA/MA Kelas X. Jakarta: Pusat Perbukuan Departemen Pendidikan Nasional. ISBN 978-979-068-129-3 (no. jilid lengkap) / ISBN 978-979-068-131-6. http://bse.depdiknas.go.id/. Diakses pado 6 Oktober 2019.