Situs Warisan Dunia

Situs Warisan Dunia adolah landmark jo kawasan nan mandapek palinduangan hukum badasarkan konvensi internasional nan disalanggaraan dek UNESCO karano mampunyoi signifikansi budaya, sijarah, atau ilmiah. Situs-situs ko dinilai manganduang “warisan budaya jo alam di kasaluruahan dunia nan dianggok mampunyoi nilai luar biaso bagi umaik manusia.^[1]

Untuak dipiliah, sabuah situs diajuan dek nagara tuan rumah jo ditantuan dek komite internasional sabagai sabuah landmark unik jo dapek diidentifikasi sacaro geografis jo historis, mampunyoi signifikansi budaya atau fisik khusus, jo barado di bawah sistem palinduangan hukum. Misalnyo, Situs Warisan Dunia dapek barupo raruntuahan kuno atau bangunan basijarah, bangunan, kota, gurun, hutan, pulau, danau, monumen, gunuang, atau kawasan hutan balantaro.^[2][3]

Situs Warisan Dunia mungkin manandoan pancapaian luar biaso umaik manusia, jo bafungsi sabagai bukti sijarah intelektual di planet bumi atau mungkin marupokan tampek jo kaindahan alam nan luar biaso.^[4] Pado Juli 2024, tadapek 1.223 Situs Warisan Dunia (952 budaya, 231 alam, sarato 40 campuran antaro budaya jo alam) nan taseba di 168 nagara. Jo 60 situs, Itali adolah nagara nan tabanyak, dikuiki dek Tiongkok jo 59 situs, sarato Jerman jo 54 situs.^[5]

1. ↑ "World Heritage". UNESCO World Heritage Centre. Diarsipkan dari versi asli tanggal 5 July 2020.  Parameter |url-status= yang tidak diketahui akan diabaikan (bantuan)
2. ↑ Sullivan, Ann Marie (2016). "Cultural Heritage & New Media: A Future for the Past". John Marshall Review of Intellectual Property Law. 15: 604–46. Diarsipkan dari versi asli tanggal 5 April 2020. Diakses tanggal 11 April 2018 – via UIC Law Open Access Repository.  Parameter |url-status= yang tidak diketahui akan diabaikan (bantuan)
3. ↑ Allan, James R.; Kormos, Cyril; Jaeger, Tilman; Venter, Oscar; Bertzky, Bastian; Shi, Yichuan; MacKey, Brendan; Van Merm, Remco; Osipova, Elena; Watson, James E.M. (2018). "Gaps and opportunities for the World Heritage Convention to contribute to global wilderness conservation". Conservation Biology. 32 (1): 116–126. Bibcode:2018ConBi..32..116A. doi:10.1111/cobi.12976. PMID 28664996.  Parameter |s2cid= yang tidak diketahui akan diabaikan (bantuan)
4. ↑ "Criteria for Selection". UNESCO World Heritage Centre. Diarsipkan dari versi asli tanggal 12 June 2016. Diakses tanggal 14 October 2006.  Parameter |url-status= yang tidak diketahui akan diabaikan (bantuan)
5. ↑ "World Heritage List". UNESCO World Heritage Centre. Diarsipkan dari versi asli tanggal 15 August 2020. Diakses tanggal 26 January 2023.  Parameter |url-status= yang tidak diketahui akan diabaikan (bantuan)