Urang Lom atau Lom bararti alun mangenal Agamo, jadi suku iko bararti suku yang alun mangenal agamo.[1] Suku Lom iko marupokan suku tatuo yang ado di kapulauan Bangka Belitung, tapeknyo di Kampuang Mapur, Kacamatan Riau Silip, Kabupaten Bangka. Kamudian sairiang bajalannyo wakatu suku Lom yang di kenal iko indak mangenal agamo palahan alah mamaluak agamo yang di akui dek Negara.
Suku Lom tasebar di babarapo kampuang yaitu kampuang Air Rabik, Pejem, Tuing, (Riau Silip dan Kacamatan Belinyu, Kabupaten Bangka) atau diantaro Gunuang Muda jo Gunuang Pelawan, yang mano urang suku iko hiduik mulai dari daratan tinggi sampai ka daerah pasisia pantai.[2]
Kampuang Tuing, dahulunyo disabuik Tu Wing, marupokan kampuang yang barado di pasisia Tanjung Tuing yang manghadap Lawik Natuna. Pabatasan Kampuang jo lawik adolah sabuah bukik dengan katinggian sakitar 300-an meter, dinamokan Bukik Tuing. kampuang iko dipicayo sabagai titiak awal kadatangan niniak moyang Suku Lom sakian abad lalu ka Pulau Bangka.
- ↑ Kusumo, Rizky. "Kisah Suku Lom, Penjaga Kelestarian Alam Pulau Bangka yang Mulai Terancam". www.goodnewsfromindonesia.id (dalam bahasa Indonesia). Diakses tanggal 2023-01-30.
- ↑ "Kisah Suku Lom yang Mendiami Pulau Bangka". Suara Pemerintah (dalam bahasa Indonesia). 2022-06-11. Diakses tanggal 2023-01-30.