L-Arti

Stampa:Image3=Inferno.jpg

Mil-lemin għax-xellug: Min Huifen iddoqq l-erħu, strument Orjentali mużikali; il-pittura Les Demoiselles d’Avignon ta’ Pablo Picasso; il-Canto I mill-Infern tal-Kummiedja Divina ta’ Dante Alighieri; u Rudolf Nureyev u Margot Fonteyn jiżfnu għar-Royal Ballet ta’ Londra.

It-terminu 'l-arti' jirreferi għat-teorija, l-applikazzjoni umana u l-espressjoni fiżika tal-kreattività li tinsab fil-kulturi u fis-soċjetajiet umani permezz tal-ħiliet u tal-immaġinazzjoni li jintużaw biex jiġu prodotti oġġetti, ambjenti u esperjenzi differenti. Il-kostitwenti ewlenin tal-arti jinkludu l-arti viżiva (inkluż l-arkitettura, iċ-ċeramika, it-tpinġija, il-produzzjoni tal-films, it-tpittir, il-fotografija u l-iskultura, l-arti letterarja (inkluż in-narrativa jew in-novellistika, id-drammi, il-poeżija, u l-proża), l-arti tal-ispettaklu jew performattiva (inkluż iż-żfin, il-mużika u t-teatru), u l-arti kulinarja (inkluż it-tisjir, il-produzzjoni taċ-ċikkulata u l-produzzjoni tal-inbid).

Xi forom tal-arti jikkombinaw element viżiv ma' spettaklu (eż. iċ-ċinematografija), jew xi xogħol tal-arti mal-kitba (eż. il-comics). Minn żmien it-tpinġijiet jew it-tpittir preistoriċi fl-għerien sal-films moderni, l-arti fiha nnifisha sservi ta' intermedjarju biex jiġu kkomunikati l-ġrajjiet kif ukoll ir-relazzjoni tal-bniedem mal-ambjent.