Tallinn

Tallinn
Estonja
Amministrazzjoni
Pajjiż	Estonja
County of Estonia	Kontea ta' Harju
Kap tal-Gvern	Mihhail Kõlvart (mul)
Isem uffiċjali	Tallinn Таллин Рэвель Таллинн Ревель Ревель Таллінн Reval Ревел Revel
Ismijiet oriġinali	Tallinn
Kodiċi postali	10111
Ġeografija
Koordinati	59°26′14″N 24°44′42″E / 59.4372°N 24.745°E / 59.4372; 24.745Koordinati: 59°26′14″N 24°44′42″E / 59.4372°N 24.745°E / 59.4372; 24.745
Tallinn Tallinn (Estonia)
Superfiċjenti	159.37 kilometru kwadru
Għoli	28 m
Demografija
Popolazzjoni	457,572 abitanti (1 Jannar 2024)
Informazzjoni oħra
Fondazzjoni	unknown value
Kodiċi tat-telefon	64
Żona tal-Ħin	UTC+2
bliet ġemellati	Vilnius, Riga, Annapolis (en) , Hangzhou, Dartford (en) , Gent, Ħelsinki, Kiel (en) , Kotka, Beijing, Moska, Turku, Venezja, Malmö Municipality (en) , Schwerin (en) , San Pietruburgu, Kiev, Skopje, Vjenna, Odessa, Tbilisiu Groningen
tallinn.ee

Tallinn (/ˈtɑːlɪn, ˈtælɪn/;^[1][2][3] pronunzja bl-Estonjan: [ˈtɑlʲːinː]) hija l-belt kapitali u l-iżjed belt popolata tal-Estonja. Tinsab qrib bajja fit-Tramuntana tal-pajjiż, max-xatt tal-Golf tal-Finlandja tal-Baħar Baltiku. Tallinn għandha popolazzjoni ta' 438,341 (fl-2021)^[4] u amministrattivament tagħmel mal-kontea jew maakond ta' Harju. Tallinn hija ċ-ċentru finanzjarju, industrijali u kulturali ewlieni tal-Estonja. Tinsab 187 kilometru fil-Majjistral tat-tieni l-ikbar belt tal-pajjiż, Tartu, madankollu tinsab biss 80 kilometru fin-Nofsinhar tal-belt kapitali tal-Finlandja, Helsinki, kif ukoll 320 kilometru fil-Punent ta' San Pietruburgu, ir-Russja, 300 kilometru fit-Tramuntana tal-belt kapitali tal-Latvja, Riga, u 380 kilometru fil-Lvant tal-belt kapitali tal-Iżvezja, Stokkolma. Mis-seklu 13 sal-ewwel nofs tas-seklu 20, Tallinn kienet magħrufa fil-biċċa l-kbira tad-dinja b'diversi varjanti tal-isem storiku tagħha Reval.

Tallinn ingħatat drittijiet ta' belt minn Lübeck fl-1248^[5], madankollu l-iżjed evidenza bikrija ta' insedjament uman fiż-żona tmur lura kważi 5,000 sena.^[6] L-ewwel dikjarazzjoni ta' sjieda li qatt ġiet irreġistrata saret mid-Danimarka wara attakk li rnexxa fl-1219 taħt it-tmexxija tar-Re Valdemar II, segwit minn perjodu ta' diversi mexxejja Skandinavi u Tewtoniċi. Minħabba l-pożizzjoni strateġika tagħha qrib il-baħar, il-port Medjevali ta' Tallinn sar ċentru kummerċjali sinifikanti, speċjalment fis-sekli 14-16, meta l-importanza tal-belt kibret bħala l-iżjed belt fit-Tramuntana li kienet membru tal-Lega Anseatika. Iċ-ċentru storiku ta' Tallinn, magħruf bħala Vanalinn, huwa wieħed mill-iktar ippreservati sew fl-Ewropa u sar Sit ta' Wirt Dinji tal-UNESCO fl-1997.^[7]

Tallinn għandha l-ogħla għadd ta' negozji emerġenti għal kull persuna fost il-pajjiżi Ewropej^[8] u huwa l-post fejn twieldu bosta kumpaniji internazzjonali tat-teknoloġija avvanzata, fosthom Skype u Wise.^[9] Il-belt tospita l-kwartieri ġenerali tal-aġenzija tat-teknoloġija informatika tal-Unjoni Ewropea^[10], kif ukoll taċ-Ċentru ta' Eċċellenza tad-Difiża Ċibernetika tan-NATO. Fl-2007, Tallinn ġiet elenkata fost l-ewwel għaxar pajjiżi diġitali fid-dinja.^[11]

1. ^ "Tallinn: Meaning and Definition of | Infoplease". www.infoplease.com (bl-Ingliż). Miġbur 2022-04-15.
2. ^ Tallinn. Miġbur 2022-04-15.
3. ^ Tallinn. Miġbur 2022-04-15.
4. ^ "RV0240: POPULATION BY SEX, AGE AND PLACE OF RESIDENCE AFTER THE 2017 ADMINISTRATIVE REFORM, 1 JANUARY". PX-Web. Miġbur 2022-04-15.
5. ^ "Tallinn on noorem, kui õpikus kirjas!". Eesti Päevaleht. Miġbur 2022-04-15.
6. ^ "Villu Kadakas: pringlikütid Vabaduse väljakul". Arhiiv (bl-Estonjan). 2009-04-25. Miġbur 2022-04-15.
7. ^ Centre, UNESCO World Heritage. "Historic Centre (Old Town) of Tallinn". UNESCO World Heritage Centre (bl-Ingliż). Miġbur 2022-04-15.
8. ^ Rooney, Ben (2012-06-14). "The Many Reasons Estonia Is a Tech Start-Up Nation" (bl-Ingliż). Miġbur 2022-04-15.
9. ^ Kaminski, Karsten (2015-03-14). "Estland: Ein Einblick in die Start-up-Szene von Tallinn" (bil-Ġermaniż). Miġbur 2022-04-15.
10. ^ ERR (2011-06-09). "It's Official: Tallinn To Become EU's IT Headquarters". ERR (bl-Ingliż). Miġbur 2022-04-15.
11. ^ "Tech capitals of the world". The Age (bl-Ingliż). 2007-09-13. Miġbur 2022-04-15.