Bertrand Russell

Bertrand Arthur William Russell, 3.º Cunde Russell OM FRS (Rabenscroft, Paíç de Gales, 18 de Maio de 1872 — Penrhyndeudraeth, Paíç de Gales, 2 de Febreiro de 1970) fui un de ls mais anfluentes matemáticos, filósofos i lógicos que bibiran ne l seclo XX. An bários momientos na sue bida, el se cunsidrou un liberal, un socialista i un pacifista. Mas, tamien admitiu que nunca fui nanhue dessas cousas nun sentido perfundo. Sendo un popularizador de la filosofie, Russell fui respeitado por einúmaras pessonas cumo ua spece de profeta de la bida racional i de la criatebidade. La sue postura an bários temas fui cuntrobersa. 

Russell naciu an 1872, ne l'auge de l poderio eiquenómico i político de l Reino Ounido, i morriu an 1970, bítima dua gripe, quando l'ampério se tenie çmoronado i l sou poder drenado an dues guerras bitoriosas mas debelitantes. Até a la sue muorte, la sue boç detebe siempre outoridade moral, ua beç qu'el fui un crítico anfluente de las armas nucleares i de la guerra stadunidense ne l Bietname. Era anquieto. 

Recebiu l Nobel de Literatura de 1950, "an reconhecimiento de ls sous bariados i seneficatibos scritos, ne ls quales el lutou por eideales houmanitairos i pula libardade de l pensamiento".