Jennarantonio Federico Napolitano, nota pure cumme Gennaro Antonio Federico (... - Napule, 1744) jè stato nu libbrettista napulitano, uno d''e cchiù famuse d''a Napule d''o Setteciento.
Nato forze a Nnapule ntr''a fine d''o XVII sèculo e ll'innizejo d''o XVIII, Paglietta 'e prufessione, fuje attivo cumme libbrettista 'nchella cetà, scrivette cummeddeje 'mprosa e llibbriette pe ccumponimiente sacre, opere spassose e ntramèse. Durante ll'attività libbrettistica soja ll'opera commeca napulitana cagnaje carattere, passanno 'all'auso d''o lenguaggio dialettale (tipico d''a cummeddeja 'ell'arte) ô mpiego 'e nu gergo cchiù talianezzato.
Ll'opera cchiù resciuta d''o Federico è 'o libbretto de Lo frate 'nnamorato (1732), tramente 'o tiésto sujo cchiù pupulare è 'a ntramèsa La serva padrona (1733), entrambi misse 'mmuseca 'a Giovanni Battista Pergolesi. guaragnaje nu cierto successo pure ll'opera spassosa Amor vuol sofferenza, messa 'mmuseca 'a Leonardo Leo. Vene generalmente cunziderato, nzieme a Ffrancesco Antonio Tullio, 'o massemo libbrettista d''a scola napulitana d''a primma mmità d''o Setteciento.