Neon Genesis Evangelion

Neon Genesis Evangelion (新世紀エヴァンゲリオン Shin seiki Evangerion, «Evangelo r’’o novo sèculo»^[1], canasciuto cummo Evangelion^[2], Eva^[3][4] o NGE) jè na serie anime 'e vintiseje puntate r'ô 1995 criata r’’o sturio Gainax, sceniata e deriggiuta â Hideaki Anno^[5][6]. Ll'opera abbencette devierze premmie e recanoscemiente, e jè cunsiderata une 'e ll'anime cchiù accramate e mpurtante 'e tutt’’e tiempe. LI'anime tene paricchie referemiente felosofache, rellegiuse, gabbalistece, abbrejece e bibblece, e na profenna samena r’’e perzunagge, purtata annanze trammeto na meta 'e frusse 'e cuscienza 'e ll'isse^[7][8].

'A ntramaria se schiaia rint'â cità 'e Neo Tokyo-3 aropp'â quinnece anne â nu terrebbilio canasciuto cummo Second Impact. Ll'isso r’’a vecenna jè Shinji Ikari, nu guaglione ca bene recrutato â Nerv cummo pedoto 'e nu mecha chiammato Eva pe' pelejà 'mparanza ncuntro â mesteriuse criature annumenate Agnele. 'A serie fuje trasmisa p'â primma bota ô Giappone ncopp'â TV Tokyo r'ô 4 'e Attrufo 1995, e fernette ô 27 'e Marzo 'e ll'anno aroppo.

Ll'urdeme ddoje puntate r'â serie recenale lasciajeno paricchie mestere sanza resolozione, ncannanno 'e spettature. Aropp'â primma asciuta, na schiérchia 'e appassiunate calognajeno na cunchiusione ca putesse rà na resposta â tutt’’e suspiche lassate appise. Ô 15 'e Marzo e ô 19 'e Julio r'ô 1997 Hideaki Anno e 'o Sturio Gainax rializzajeno ddoje cinematografe anemate pe chiurere 'a ntramarija: Death&Rebirth, faciuto ê varje spezzune r'ê primme vintiquattre puntate e â cocche parte maje berute primma, e Neon Genesis Evangelion: The End of Evangelion, nu fenale ca chiure 'a ntramaria r’’a serie anemata^[9]. R'â serie reggenale nse facette nu manga r’’o character designer r’’a serie, Yoshiyuki Sadamoto^[10], na morra 'e videojuoche, devierze spin-off, ll'original net anime Petit Eva - Evangelion@School^[11] e 'e cinematografe 'e anemazione r’’a tetraloggia Rebuild of Evangelion, remake r’’a serie anemata reggenale.

1. ↑ Fontana, Donati, op. cit., p. 128.
2. ↑ Clements 2006, op. cit., p. XII.
3. ↑ Robin E. Brenner. Understanding Manga and Anime (in ja) Santa Barbara, Libraries Unlimited, 2007. p. 162 978-1-59158-332-5
4. ↑ Murakami, op. cit., p. 185.
5. ↑ Murakami, op. cit., p. 88.
6. ↑ (JA) Gainax News Evangelion. URL cunzurdato ô 9 'e Abbrile 2015. (archiviato â ll'url reggenale ô 19 'e Attrufo 1996)
7. ↑ Napier 2002, op. cit., pp. 424-425.
8. ↑ Cavallaro, op. cit., p. 60.
9. ↑ Cavallaro, op. cit., pp. 54-55.
10. ↑ Jason Thompson. Manga: The Complete Guide (in en) New York, Del Rey, 2007. pp. 240-241 0-345-48590-4
11. ↑ (JA) ぷちえゔぁ～evangelion@school. URL cunzurdato ô 9 'e Nuvembre 2015.