.jpg)
Peppe Barra (Giuseppe) (Romma, 1944) è nu cantante e attore taliane, figlio 'e n'ata famosa artista: Concetta Barra.
Isso nascette a Romma, pecchè a mamma steve llà pe' nu spettacolo cu 'o marito, patre 'e Peppe. Turnanne a Napule isso cunuscette a Zietta Liù che nce trasmise l'ammore pe' l'arte, 'a museca e 'o tiatro. Canuscette a Roberto De Simone, n'ato granne autore e cu isso e cu Eugenio Bennato e n'ati quattre guaglioni funnaje la Nuova Compagnia di Canto Popolare. Int'a l'anno 1978 Peppe lassaje 'a Cumpagnia e cu De Simone facette n'atri quattre spettacule: “Li zite 'ngalera”, “Festa di Piedigrotta”, “L’Opera Buffa del giovedì santo” e “Eden Teatro”. Partecipaje alla sirata d'onnore ca facettero pe' festeggià Eduardo De Filippo e dint'a l'anno 1982 fondaje a cumpagnia Peppe e Barra, a ddo' cu luje, steva pure a matre Concetta. Facettero tanti spettaculi comme Peppe & Barra (1982), Senza mani e senza piedi (1984),Signori, io sono il comico (1987), FLIC E FLOC (1993) etcevetera etcevetera. 'Ncise pur' a doje dische cu la matre: Peppe e Barra (1983) e Peppe e Concetta Barra N.1 (1988). Fabrizo De Andrè j'addumandaje e tradurre Bocca di Rosa in lengua napulitana. Isso acettatte e cu' l'aiute 'e Vincenzo Salemme facette nu brano che quanno De Andrè 'o sentette s'affascinaje dicenno: Sta canzone è 'a toja!! Nell'anne 1990 facette a parecchie Ciddì pe' la Marocco Music, na bona casa discografica c'ave tanti boni artisti napulitani. Int'o 2023, in occasione d'e 800 anne d'o primo presebbio 'e San Francisco, prestai 'a faccia comm'a narratore po' 'o documentario "Dio non è solo".[1]