Back Eendvoëls Afrikaans بطية Arabic بطيه ARZ Anatidae AST Nudol (Anatidae) AVK Ördəklər Azerbaijani Өйрәктәр Bashkir Anatidae BAN Качыныя Byelorussian Качыныя BE-X-OLD
| Aantenvagels | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Anatidae | ||||||||
| Vigors, 1825 |
De Familie vun de Aantenvagels (Anatidae) is de gröttste mank de Ornen vun de Gösevagels (Anseriformes). Dor höört 47 Geslechter un um un bi 150 Orden to. To düsse Familie höört so bekannte Watervagels, as Aanten, Göse un Swöne. Mol af vun de Höhnervagels gifft dat keen annere Vagelgrupp, de so veel mit de Minschen to kriegen hett. Alleen fiev Orden weert vun de Minschen for de Bueree un as Huusdeerter tücht. Aantenvagels weert jaagt un holen vunwegen ehr Fleesch, ehre Eier un ehre Feddern. Se speelt ok en grode Rull in Märken, Sagen un Comics. „Aant“ is an un for sik de Naam for dat Seken, „Waart“ is de Naam for dat Heken bi de Aantenvagels.
Aantenvagels hefft tomeist Swemmhüde un en minn oder mehr platten Snavel. Ehre Feddern stoot Water af. En sunnerliche Egenoord vun de Aantenvagels is, datt de Heken, gegen de meisten annern Vagels over, en Penis hefft. De Aanten (Seken) hefft en spiralförmig Genital. Vundeswegen kann den Waart sien tämlich langen Penis dor nich goot rinsteken weern, wenn de Aant dat nich will. Dat passert man fökener, datt en Heken, wat man alleen is, utprobeert, en annern Waart siene Aant to befruchten.[1]