Back Ҳитлер, Адольф Алоис-иԥа Abkhazian Adolf Hitler Afrikaans Adolf Hitler ALS አዶልፍ ሂትለር Amharic Adolf Hitler AN Æðelwulf Hitler ANG ऐडॉल्फ़ हिटलर ANP أدولف هتلر Arabic ܐܕܘܠܦ ܗܝܛܠܪ ARC أضولف هيطلر ARY
„Hitler“ wiest op düsse Siet. Dat Woort hett noch annere Bedüden: kiek dorför ünner Hitler (Mehrdüdig Begreep).
Adolf Hitler (* 20. April 1889 in Braunau am Inn, Öösterriek; † 30. April 1945 in Berlin dör Sülvstmoord) weer vun 1921 af an Baas vun de NSDAP. 1933 is he Kanzler vun dat Düütsche Riek wurrn un vun 1934 af an weer he as „Führer“ un Kanzler to glieke Tiet Baas vun de Regeerung un vun den Staat.
He hett in dat Düütsche Riek de Diktatuur vun dat „Drüdde Riek“ upricht. All Parteien vun de Oppositschoon weern dor bi verboden. Wenn een gegen em gegenan güng, denn leet he em verfolgen oder an’e Siet maken. Hitler hett den Tweeden Weltkrieg anfungen un is dor vun Anfang an up ut ween, dat de Jöden in Europa jem ehr Rechten verleren döen un an’e Siet maakt wuurn sünd. Dor is he mit System bigahn. Ok an anner Lüde un Volksgruppen hett he sik vergrepen, wenn em de Globen oder de Raaß nich passen döen. Vunwegen sien Politik sünd in Europa bi 30-35 Millionen Minschen ümkamen, dormank alleen sess Millionen Jöden. Grode Delen vun Düütschland un vun Europa sünd bi den Tweeden Weltkrieg to Dutt gahn. Nah den Krieg hett denn ok noch de Iesern Vörhang den Kontinent in twee Stücken deelt.