Back شريان مخي أمامي Arabic Arteria cerebri anterior German Anterior cerebral artery English Arteria cerebral anterior Spanish سرخرگ مغزی پیشین Persian Artère cérébrale antérieure French Prednja mozgovna arterija Croatian Arteria cerebrale anteriore Italian Arteria cerebri anterior Latin Arteria cerebri anterior Dutch
De Arteria cerebri anterior („vördere Bregenslagader“, bi Deerten as Arteria cerebri rostralis betekent), is een vun de dree Hööftarterien vun’n Bregen. As de meisten Adern, kummt se op beide Sieten vun’n Lief vör, gifft dat also tweemol. Se twiegt elk an de Bregenbasis in’t Rebeet vun’n Circulus arteriosus cerebri ut de Arteria carotis interna af. Vör de Sehnervenkrüzen (Chiasma opticum) gifft dat en Anastomoos twüschen de beiden vörderen Bregenslagadern links un rechts, de Arteria communicans anterior nöömt warrt. De Afsnitt vör de kommunizeeren Verbinnen warrt ok A1-Segment nöömt, de Afsnitt dorachter is dat A2-Segment. De tütt in’n wietere Verloop twüschen de Grootbregenhälften üm den Balken (Corpus callosum) rüm. An disse Steed warrt dorto ok Arteria pericallosa seggt.