Back Arteria AN شريان Arabic ܫܪܝܢܐ ARC Arteria AST Arteriyalar Azerbaijani Артерия Bashkir Артэрыя Byelorussian Артерия Bulgarian ধমনি Bengali/Bangla Arterija BS
De Arterien (vun’t gr.: ἀρτηρία „mit Luft füllt“ – speelt op an, dat Arterien dat suerstoffrieke Blood in’n Lief verdeelt) is en Bloodfatt, dat Blood vun’t Hart weg transporteert.
En annere Beteken för Arterie is Slagader oder ok Pulsader, nöömt na den Puls vun’t Hartslag, de an de groten Arterien föhlt warrn kann. De gröttste Arterie in’n minschlichen Lief is de Aorta oder ok Hööftslagader, de en Dörmeter vun ruchweg dree Zentimeter opwiest. Dör ehren Opbo schall de Arterie den vun’t Hart tüügten Blooddruck möglichst oprecht hollen. De Slagadern transporteert tomeist suerstoffriek Blood (dorüm ok de olle Beteken „arteriell Blood“). Blots in de Arterien vun’n Lungenkreisloop flütt suerstoffarm Blood. De Arterien vun’n Minschen bargt üm un bi 20% vun’t hele Bloodvolumen.