Biochemie

De Biochemie (uut greeksch βίος bíos ‚Leven‘, un „Chemie“) oder bioloogsche Chemie, fröher ook physioloogsche Chemie, is de Leer van cheemschen Vörgängen in Leevwesen un den Stoffwesssel. De Biochemie verbind de Chemie, Biologie un Medizin eng med eenanner.

De Biochemie befaat sik med:

• den Unnersöök van Biomolekülen,
• den Unnersöök van den Stoffwessel,
• den Unnersöök van den Informatschoonuuttuusch binnen een Organismus (Signaltransduktschoon).

So staat de orgaanschen Stoffgruppen in den Fokus van de Biochemie, dat sind to’n Bispeel Nukleinsüren, Proteine, Lipide, Kohlenhydrate, Sporenelemente un Vitamine, un Derivate daarvan, de allgemeen Biomoleküle heet. De gröttste Deel biocheemsche Vörgange speelt sik in Leevwesen af. Annderster as in de orgaanschen Chemie passeert biocheemsche Reaktschonen to’n groten Deel in ene waterigen Ümfeld af.

De Biochemie bruukt ene grote Taal Methoden uut verschdeden Gebeden. De klassische Biiochemie bruukt besunners Methoden uut de analytsche Chemie, orgaansche Chemie, physikaalsche Chemie un de Physik. Wichtige Techniken sind de Zentrifugatschoon, SDS-Gelelektrophorese, Chromatografie, Elektrophorese, Spektroskopie, Molekülmarkeren, Isotopentechniken, Kristallisatschoon, potentiometrische, elektrometrische, polarograafsche und manometrische Techniken, verschiedene Methoden zum Zellen uptosluten, dat Reinmaken van Biomolekülen, de Informatik, de Genetik un Molekularbiologie, de Mikrobiologie un anner Fäcker. Bovento kümt in de moderne Biochemie jümmers dat quantitative Uutweerden med mathemaatschen Methoden un dat Upstellen van formalen Theorien med Hülp van de Mathematik.