Bloodfarven sünd Farvstoffen, de in’t Blood löst oder in egene Zellen (Bloodkörpers) konzentreert sünd un in den Transport vun Suerstoff inbunnen sünd.
Se sünd in jümmer Atenpigment ünnerscheedlich:
- Hämoglobin is en root Protein, bi dat Iesen an dat Häm bunnen is. Dat Protein kummt bi Warveldeerten vör, aver ok bi Anneliden as den Regenworm.
- Chlorocruorin is gröön un kummt bi eenige Ringelworms vör. Dat Iesen is in en Porphyrinring liek dat Häm bunnen.
- Hämocyanin is blau oder ahn Suerstoff ahn Klöör. Dat Atenpigment is hier dat Kopper, wat direkt an’t Protein bunnen is. Hämocyanin gifft dat bi de Liddfööt un de Weekdeerten vör.
- Hämerythrin is vigelett oder ahn Suerstoff ahn Klöör. Dat Atenpigment is Iesen, dat as bi’t Hämocyanin direkt an’t Protein bunnen is. Dat Protein kummt bi en Reeg vun Seedeerten ahn Warvel vör.