Back قنبلة بركانية Arabic Vulkan bombası Azerbaijani Вулканічная бомба Byelorussian Вулканична бомба Bulgarian Bomba volcànica Catalan Sopečná puma Czech Vulkanische Bombe German Ηφαιστειακή βόμβα Greek Volcanic bomb English Bomba volcánica Spanish
Vulkaansch Bomben sünd en Oort vun Pyroklastisch Stenen, de tostannen kommt, wenn bi’t Utbreken vun en Vulkan Lavafetzen ballistisch utsmeten warrt, de op’n Weg dör de Luft utköhlt un fast warrt.
Dit Tostannenkamen warrt as pyroklastisch Fallen betekend, man vun en Bomb snackt man blots, wenn de Steen in’n Dörmeter grötter as 64 mm is. Eckige Pyroklasten vun disse Gröttenklass nöömt man pyroklastisch Block. Sünd de Stückens lütter as 64 mm seggt man dorto Lapilli un wenn dat man ganz fienen Kram is mit’n Dörmeter ünner 2 mm warrt dat as vulkaansch Aschen betekend. Bomben, Lapilli un Aschen warrt ok ünner den Begreep Tephra tohopenfaat un stellt dat Lockermaterial dor, wat ut’n Vulkan utsmeten warrt.