Dominikaansche Republiek

'República Dominicana'

(Flagg) (Wapen)
Wahlspröök: Dios, patria, libertad (spaan. för „Gott, Vaderland, Freeheit“)
Natschonalhymne: Quisqueyanos valientes
Hööftstadt	Santo Domingo 18° 29′ N, 69° 54′ W
Gröttste Stadt	Santo Domingo
Amtsspraak	Spaansch, Kreoolsch
Regeren Präsident	Präsidialrepubliek Luis Abinader
Sülvstännigkeit	27. Februar 1844 vun Haiti
Grött  • Allens  • Water (%)	48.730 km² ? %
Inwahnertall  • 2008 afschätzt  • Inwahnerdicht	9.507.133[1] 195,1/km²
Geldsoort	1 Dominikaanschen Peso = 100 Centavos ([[ISO 4217|]])
BBP	36.396 Mio. US$ (75.) $ (2007) 4.147 US$ (84.) $ je Kopp
Tietzoon	UTC-5 (UTC-5)
Internet-TLD	.do
ISO 3166	DO
Vörwahl	++1 (809) un +1 (829) kiek NANP

De Dominikaansche Republiek (kortweg ok Domrep nömmt) is en Inselstaat in de Karibik. In’n Westen grenzt he an Haiti. De beiden Länner liggt tohopen up dat Eiland Hispaniola. Ööstlich vun de Dominikaansche Republiek liggt de Insel Puerto Rico. De Hööftstadt vun de Dominikaansche Republiek is Santo Domingo. Se liggt in’n Süden vun dat Eiland. Santo Domingo is ene ole Stadt. Hüdigendags leevt dor mehr as dree Millionen Inwahners. In de Ooldstadt gifft dat allerhand an to kieken, as de öllste Universität in de Nee Welt, de Faro Colon un de Alcazar Colon. De Dominikaaners nömmt ehr Land sülms, na de Hööftstadt, Santo Domingo.

In’n Norden liggt de bekannte Stadt Puerto Plata, wo veel Touristen henkaamt. Just buten düsse Stadt liggt de Park Playa Dorada mit allerhand Luxushotels. Dörper mit veel Touristen liggt ok en beten na Osten to, dat sünd Sosús un Cabarete.

In’n Osten vun de Dominikaansche Republiek treckt Punta Cana veel Touristen an. Fröher hefft bloß en paar lüttje Dörper in düsse Gegend legen, hüdigendags sünd dor Touristen-Ressorts.

In’n Süden, ööstlich vun Santo Domingo, liggt de Badeplätze Boca Chica un Juan Dolio. In de Dominikaansche Republiek warrt dat Mineraal Larimar funnen, wat en gröönblaue Unneraard vun dat Mineral Pectoliet is. De Dominikaansche Republiek schall nich verwesselt weern mit dat Karibische Eiland Dominica.

1. ↑ CIA World Factbook 2008