Edgar Himly

Wilhelm Julius Edgar Himly (* 3. September 1839; † 20. März 1905 in Stood) weer en düütschen Verwaltungsbeamten.

Himly is 1839 boren un hett Juristeree studeert. He is in’n Mai 1862 as Auskultater an dat Kamergericht in Berlin beropen worrn.^[1] Siene Loopbahn as prüüßschen Staatsbeamten hett em över Statschonen bi de Regerungsbezirke Hannover un Wiesbaden to den Rang von en Regerungsassesser bi’n Regerungsbezirk Posen föhrt. 1875 is he Regerungsraad bi dat Kommissariat för de bischöpliche Vermögensverwaltung in de Bisdömer Mönster un Patterbuorn worrn un hett in disse Tied in Mönster an’n Domplatz 27 wahnt.^[2] 1884 is he von de kathoolsche to de evangeelsche Kark wesselt un Böverkunsistorialraad bi dat Böverkunsistorjen in Hannover worrn.^[3] 1885 al is he denn Böverregerungsraad bi’n Regerungsbezirk Ossenbrügge worrn^[4] un Stellvertreder von’n Regerungspräsident in’n Bezirksutschuss.^[5] 1887 is he Böverpräsidialraad bi’n Regerungsbezirk Mönster worrn.^[6] 1889 weer he Regerungsviezpräsident in Posen.^[7] 1890 is he denn Regierungspräsident von’n Regerungsbezirk Posen worrn^[8] un dor bet 1895 bleven. In dat Johr is he as Regerungspräsident na’n Regerungsbezirk Stood wesselt. 1899 is he in Rohstand gahn un an’n 20. März 1905 in Stood doobleven.

Sien Nalass warrt in dat Staatsarchiv Stood opbewohrt.

1. ↑ Amtsblatt der Königlichen Regierung zu Potsdam und der Stadt Berlin, Stück 24/13. Juni 1862, S. 172
2. ↑ Adreßbuch Münster 1883, Buchstabe H
3. ↑ Meldung der Amtspresse Preußens, III. Jahrgang. No. 33. Neueste Mittheilungen. Verantwortlicher Herausgeber: Dr. H. Klee. Berlin, Dienstag, den 18. März 1884.
4. ↑ Meldung der Amtspresse Preußens, IV. Jahrgang. No. 37. Neueste Mittheilungen. Verantwortlicher Herausgeber: Dr. H. Klee. Berlin, Dienstag den 31. März 1885.
5. ↑ Meldung der Amtspresse Preußens, IV. Jahrgang. No. 59. Neueste Mittheilungen. Verantwortlicher Herausgeber: Dr. H. Klee. Berlin, Freitag, den 5. Juni 1885.
6. ↑ Meldung der Amtspresse Preußens, VI. Jahrgang. No. 66. Neueste Mittheilungen. Verantwortlicher Herausgeber i. V.: Dr. jur. Hammann. Berlin, Dienstag, den 28. Juni 1887.
7. ↑ Meldung der Amtspresse Preußens, VIII. Jahrgang. No. 50. Neueste Mittheilungen. Verantwortlicher Herausgeber: Dr. jur. O. Hammann. Berlin, Freitag, den 28. Juni 1889.
8. ↑ Meldung der Amtspresse Preußens, IX. Jahrgang, No. 29. Neueste Mittheilungen. Verantwortlicher Herausgeber: Dr. jur. O. Hammann. Berlin, Freitag, den 11. April 1890.