Helium

2 H ← Helium → nix nix ↑ He ↓ Ne Periodensystem
Allgemeen
Naam, Teken, Atomtall	Helium, He, 2
Cheemsch Serie	Eddelgas
Klöör	ahn Klöör
Atommass	4,002602 u
Elektronenkonfiguratschoon	1s2
Elektronen je Schaal	2
Physikaalsche Egenschoppen
Phaas	Gas
Dicht	0,1786 g·cm−3 (bi 0 °C, 101,325 kPa)
Smöltpunkt	0,95 K (−272 °C, bi 2,5 MPa)
Kaakpunkt	4,22 K (−269°C)
Tripelpunkt	gorkeen
Kritisch Punkt	5,19 K, 0,227 MPa
Atomare Egenschoppen
Kristallstruktur	hexagonal oder bcc
Ionisatschoonsenergien	1.: 2372,3 kJ/mol
	2.: 5250,5 kJ/mol
Atomradius	31 pm
Annere Egenschoppen
Isotopen (Utwahl)
Hööftartikel: Isotopen vun Helium Iso VN t½ VO VE (MeV) VP 3He 0,000137 % He is mit een Neutron bestännig. 4He 99,999863 % He is mit 2 Neutronen bestännig.

Helium (vun’t greeksch ἥλιος hélios „Sünn“) is en Element mit dat Atomteken He un de Atomtall 2, dat jüst as Neon, Argon, Krypton, Xenon un Radon en Eddelgas is. Da bedüüdt, dat Helium nich so licht mit annere Elementen reageern deit un ok nich mit sik sülvst. Anners as de meisten Elemente, de dat as Gas gifft, kommt Eddelgasen nich as Molekülen vör, man blievt als enkelte Atomen. As Waterstoff hett Helium ok en ganz lütte Dicht un is noch sworer to kondenseeren as Waterstoff. Bi ganz deepe Küll liggt Helium in en superfluiden Tostand vör, dat warrt aver nich eenmol fast, wenn en dat bi Normaldruck op 0 K rünnerköhlt. Dat geiht blots, wenn ok bannig hoogen Druck is.

Helium is na den Waterstoff dat tweetfakenste Element in dat Weltall un entsteiht vundaag dör Karnfusion in de Sünn (un ok in all de annern Steerns). Man dat meiste vun’t hele Helium is in de eersten dree Minuuten na den Oorknall tostannen kamen. Gifft aver ok en Oort von Radioaktivität de Alphaverfall nöömt warrt. Dorbi warrt Alphadeelkens freesett, dat sünd nix anners as ⁴He-Karns (kanns ok seggen Atome ohne jemehr Elektronen).