Hisko Abdena, Propst vun Emden (* unbekannt; † 1427) hörr in dat 14. Johrhunnert en vun de mächtigsten oostfreeschen Hööftlingsfamilien an: den Abdenas. Hör Machtzentrum weer de Stadt Emden.
Af 1398, nah de Verdrieven vun de Vitalienbröers vun de Insel Gotland un dormit ut de Oostsee, nehm Hisko Deelen vun de Seeröver bi sück up. Um sien eegen territorialpolitischen Interessen to wohren, hett he sück sluutend mit de Hanse tosommendahn un övergeev de Hanse an' 6. Mai 1400 de Stadt un dat Slott Emden. Dormit wurr de Basis för wiedere Operatschonen gegen de Seeröver un Oostfreesland leggt.
1414 gelung dat Keno II. tom Brok, Hisko ut Emden to verdrieven. De is denn nah Grunneng (hüüd Nedderlannen) flücht.