Back Jena Afrikaans Jena AN ينا Arabic چينا ARZ Jena AST Yena Azerbaijani ینا AZB Йена (ҡала) Bashkir Jena BAN Ена Byelorussian
Jena is en düütsch Universitätsstadt un kreisfree Grootstadt in Döringen in de Metropolregion Middeldüütschland. Se liggt an de Saale tüschen Musselkalkhängen vun de Ilm-Saale-Platte un is nah de Landshööftstadt Erfurt de tweetgröttste Stadt vun Döringen un en vun de dree Böverzentren vun de Freestaat. Dor leven 106.428 (Stand: 31. Dez. 2011) Inwahners up en Rebeet vun 114,29 km²
In Jena befinnd sück de Friedrich-Schiller-Universität Jena, de 1558 grünnd wurr un nu mit över 20.000 Studenten de gröttste Universität vun Döringen is. Jena bfung an sück af den Bau vun de Saalbahn 1874 to en Industriestadt to entwickeln. Se is en Zentrum vun de düütsch Optik- un Feinmechanikindustrie rund um dat Ünnernehmen vun Carl Zeiss. Dat Kombinat Carl Zeiss mit etwa 60.000 Mitarbeitern weer to sien Tiet ok dat gröttste Kombinat vun de DDR. Nah de Düütsch Weddervereenigen 1990 hett sück Jena vun en Industrie- to’n Bildungs- un Wetenschapszentrum wannelt. In Jena hebbt tallriek Forschenslabors un Institute ehr Seet. Dat 133 Meter (mit Antenne 149 Meter) hooch Bürohoochhuus Jentower is dat tweethööchste Hoochhuus vun de nee Bundslänner.
An’ 21. März 2007 hett de Stifterverband für die Deutsche Wissenschaft Jena den Titel Stadt der Wissenschaft för dat Johr 2008 verleht. De Stadt Jena warft för sück ok mit den Naam „Jena. Lichtstadt.“[1]