Back Karlsruhe Afrikaans Karlsruhe ALS Karlsruhe AN كارلسروه Arabic كارلسروه ARZ Karlsrue Azerbaijani کارلسروهه AZB Karlsruhe BAN Karlsruhe BAR Карлсруэ Byelorussian
Karlsruhe [ˈkaʁlsˌʁuːə] is en Stadtkreis. Dor finnt sik de Sitten vun den Regierungsbezirk Karlsruhe, vun de Region Middel-Böverrhien un vun den Landkreis Karlsruhe. Fröher is Karlsruhe Hööftstadt un Residenzstadt vun dat vörmalige Land Baden ween. In’n Noorden, Oosten un Süden grenzt de Stadt an den Landkreis Karlsruhe, in'n Westen stött se an den Rhien, wat ok de Grenz na dat düütsche Bundsland Rhienland-Palz is. Na Stuttgart (bi 80 km ööstlich) un Mannheim (bi 60 km nöördlich) is Karlsruhe mit bi 308.988 Inwahners (Stand: 31. Juli 2020) un 173 km² Grund de drüttgröttste Stadt vun Baden-Württemberg. Vun 1950 af an sitt in Karlsruhe de Bundsgerichtshoff un vun 1951 ok dat Bundsverfatengericht. Dor hett de Stadt ok üm den Ökelnaam Dat Recht sien Residenz kregen.