Kledaaschmaker

Kledaaschmaker is en Beroopsbeteken ut de dorstellen Kunst. De Kledaaschmaker hett de Opgaav tosamen mit den Bühnen- oder Szenenbillner un mit den Speelbaas de Kledaasch uttoklamüstern, de de Schauspelers in en Theater- oder Filmprodukschoon anteihn schüllt. Dat Fack vun de Kledaaschmakeree kann an en poor Kunsthoochscholen studeert warrn. Mitünner warrt de Kledaasch un dat Bühnenbild tohopen vun een Person utklamüstert, wat denn as Utstatten betekent warrt.