Back Aire AN هواء Arabic Aire AST Hava Azerbaijani هاوا AZB Һауа Bashkir Lufd BAR Uors BAT-SMG Паветра Byelorussian Паветра BE-X-OLD
Dit Woort hett noch annere Bedüden: kiek dorför ünner Luft (Mehrdüdig Begreep).
As Luft warrt in’n gemeenen dat Gasgemisch betekend, worut de Atmosphäär vun de Eer tohopensett is. De beiden fakensten Bestanddeelen vun de Luft sünd de Gasen Stickstoff (78%) un Suerstoff (21%), aver dat gifft aver noch en Reeg annere Komponenten. Di wichtigsten dorvun sünd Argon (0,9%) un Kohlenstoffdioxid (0,04%). In’n natürlichen Tostand is de Luft ahn Klöör, Smack oder Röök.
Ahn Luft kann keen aerob Leevwesen as t. B. de Söögdeerten överleven, wiel se den Suerstoff to’n Aten bruukt. Ahn den Suerstoff överleevt Minschen un Deerten blots en poor Minuuten. De Planten dorgegen bruukt den Kohlenstoffdioxid ut de Luft för jümmer Fotosynthees, wobi denn de Suerstoff freesett warrt. För Planten is dat tomeist de eenzige Born för Kohlenstoff.