Scheperhund

Scheperhunnen sünd an un for sik Hunnen, de vun Schepers bi dat Höden un Drieven vun Schaap bruukt wurrn sünd. Sunnerlich för düsse Upgaav sünd so'n Hunnen ok tücht' wurrn un so sünd denn Arbeitshunnen tostanne kamen, de all unner den Naam Scheperhund tohopenfaat weert. Bit up den hüdigen Dag gifft dat ok Scheperhunnen as Arbeitshunnen vun Schepers. Ut düsse Hunnen sünd mit de Tied sunnerliche Raßen ruttücht' wurrn. In Düütschland warrt de Naam Scheperhund meist bruukt för den Düütschen Scheperhund.