Back مجموعات دينية رئيسية Arabic Əsas dini qruplar Azerbaijani Донъя диндәре Bashkir Сусветная рэлігія Byelorussian প্রধান ধর্মাবলম্বী গোষ্ঠীসমূহ Bengali/Bangla Verdensreligion Danish Weltreligion German Μεγάλες θρησκείες Greek Major religious groups English Principales grupos religiosos Spanish
De Weltreligionen sünd de wichtigsten Religionen, de dat op de Welt gifft. Blots is dat nich so ganz licht, fasttoleggen, welke Religionen dorto höört. Jedeen Religion denkt ja vun sik, dat se wichtiger is, as all de annern. Un dat gifft ok mehr as een System, so en List tosamentostellen. Swor is dorbi ok noch, dat nich alle Gruppen dormit tofreden sünd, woans se klassifizeert warrt: sünd t.B. de Mormonen en Deel vun't Christendom oder sünd se sülvst en egen Religion? Oder sogor en egen Weltreligion?
Wieldat sik de Lüüd över de Kriterien nich eenig sünd, gifft dat ok ünnerscheedliche Listen vun Weltreligionen.
De wichtigsten Kriterien sünd:
- de Religion hett en grote Tall vun Liddmaten
- de Religion finnt sik in groten Delen vun de Welt.
- de Religion hett’n missionaarschen Ansprook un jedeen, de will, kann ok Liddmaat warrn.