De Diezerstraote (in oldmoeds Zwols: Diesstraote, mit lange ie[1]), ok wal Diezerpromenade enuumd, is de veurnaamste winkelstraote in 't centrum van de Oaveriesselse heufdstad Zwolle. D'r kump veule volk te kuiern, kleraozie en nog aander spul kieken en kopen. D'r bint ok terrassies. De straote is veur auto's esleuten.
Vanof de Grote Mark an d'iene kaante loop ie oaver de Diezerstraote naor de grachte en stadsmure (daoras nog een ende van stiet) en de stee van de in 1829 of-ebreuken Diezerpoorte.
De straote lig op een dekzaandrogge. Bi'j de bouw van 't ni'je diel van de openbaore bibliotheek, die an de Diezerstraote lig, bint speuren evunden uut de Karolingische tied.[2] In 't Rentenboek van het Olde Beghijnenhuis, bi'jehölden van 1368 töt 1572, wördt de 'Deserstrate' en de 'Desermarke' enuumd, wat wis op de oldere uutspraoke mit lange ee.[3]
- ↑ Minke Kraijer, Henk Mulder, Dick Visscher en Philomène Bloemhoff-de Bruijn (red.) (2009), Op zien Zwols: Woordenboek van de Zwolse taal, Kampen: Iesselakkedemie
- ↑ Jan ten Hove, Geschiedenis van Zwolle, blz. 39, ISBN 9040090505
- ↑ Evert van den Berg en Philomène Bloemhoff (2021), 'Van de taal van het Rentenboek van het Olde Beghijnenhuis naar het Zwols van nu', in: Henk Bloemhoff en Henk Nijkeuter (red.), Jaorboek Nedersaksisch 2 (2021), Oosterwoolde; Zwaag: Stichting Sasland i.s.m. boekenbestellen.nl, blz. 83-4