Back Аскандинав бызшәақәа Abkhazian Noord-Germaanse tale Afrikaans Luengas chermanicas septentrionals AN Norþgermanisca spræca ANG لغات جرمانية شمالية Arabic Llingües escandinaves AST قوزئی ژرمن دیللری AZB Nordgermanische Sprochn BAR Скандынаўскія мовы Byelorussian Паўночнагерманскія мовы BE-X-OLD
Vaastelaand-Skandinaviese taelen:
██ Deens
██ Noors
██ Zweeds
Eilaand-Skandinaviese taelen:██ Ieslaands en Faeröers
De Noord-Germaanse taelen of Skandinaviese taelen bin t Deens, t Noors (Bokmål en Ni'jnoors), t Zweeds, t Ieslaands en t Faeröers. Ze worden veurnaemelik in Skandinavië spreuken deur omdebi'j 20 miljoen meensken.
De Noord-Germaanse taelen bin nauwer verwaant an de Oost-Germaanse as an de West-Germaanse taelen. t Noord-Germaans is bekend van runeninskripsies vanof de 3e ieuw nao Chr. Der is n literaere tradisie vanof de 9e ieuw.
De vaastelaand-Skandinaviese taelen (Deens, Noors en Zweeds) bin tot op zekere heugte onderling verstaonber. Deens en Bokmål lieken zels zo stark op mekeer, dat partie taelkundigen ze as dialekten van de zelde tael zien. Daornaost is vaastesteld dat alle drie de vaastelaand-Skandinaviese taelen zo goed onderling verstaonber bin dat ze taelkundig as dialekten van ien en de zelde tael (t "Skandinavies") zien worden kund, ondaanks t feit dat ze elk ofzunderlik de staotus van aparte tael hebben.[1]
Partie taelwetenskoppers beweren dat t Engels ok diel uutmaekt van de Noord-Germaanse taelgroep in plak van de West-Germaanse groep. Hoe dan ok t Ooldengels is stark beïnvloed deur t Ooldnoords dat de Vikingen praotten.[2]
t Deens, Zweeds en Noors bin, veural in de woordenschat, in de Hanzetied slim beïnvloed deur t Nedersaksisch.
- ↑ John McWhorter (2003), The Power of Babel: A Natural History of Language, p. 69.
- ↑ English is a Scandinavian Language - Sciencedaily.com (meert 2015)