De term noordoost-Nederlaand slat op 't diel van Nederlaand det in 't noordoosten van 't laand lig. In verschillende contexten umvat 't een verschillend gebied; hiel wat orgenisaties hebt heur eigen warkdefinitie van noordoost-Nederlaand. De term vaalt nogal ies as d'r spraoke is van 't gebied daoras vanolds de Nedersaksische streektaal epraot wördt.
In cultuurlijk opzicht hebt de noordoostelijke streken veul gemienschappelijks: denkt naost de streektaal an spöllen en gebruken as klootschieten, karbitschieten en de autorodeo, sociaole gebruken as de naoberplichten en gerechten as knieperties en de krentenwegge. De pervincie Grunning hef historisch veul gemien mit de pervincie Frieslaand en de Duutse streek Oostfrieslaand. Ok aandere streken trekt oaver pervinciegrèenzen hen op mekaar an, zoas Twente en de Achterhoek.