|
Stadshagen is ok de name van een wiek van Zwolle, de name van een metrostesjon in 't Stockholmse Stadshagen, en de Zweedse name van Kaupunginhaka, een stadsdiel van de Finse stad Porvoo. |
Stadshagen is een stadsdiel van de Zweedse heufdstad Stockholm. 't Lig in 't noorden van 't eilaand Kungsholmen, in 't district Sankt Göran. 't Stadsdiel is in 1938 ontstaon toen as westelk Kungsholmen in vier neie stadsdielen opedield wördden. In 2017 had Stadshagen zo'n 8500 inwoners, van wie der zo'n 28,8 percent van butenlaandse ofkomst waren.
In Stadshagen vien ie ien van de grote ziekenhuzen van Stockholm, ok ien van de oldste van 't laand, Sankt Görans sjukhus. Op de hudige locatie deu 't de deuren lös in 1888. De karke Sankt Görans kyrka stamt uut 1958; der gunk een kapel uut 1910 an veurof. In 't stadsdiel lig ok de barg Stadshagsberget, die 52 meter baoven zeeniveau uutstek. Vanof de barg hej een schier uutzicht aover 't Karlbergspeleis en aover stadsdiel Vasastaden in centraol Stockholm.