Angolita kode telepon ba Indonesia

Angolita Kode telepon ba Indonesia sokhönia sistem sifabö'ö ba wamaehuni ba telepon ni'oguna'ö ba nomo faoma telepon seluler: na telepon ni'oguna'ö ba nomo mangoguna'ö kode area, ba na telepon seluler atö lö hadöi khönia kode area .

So guna ba kode area na ba telepon ni'oguna'ö ba nomo, numero ma angka "0" lanönö tanöföna na lafalua wogaoni ba zaröu domestik ba wilayah Indonesia, ba na atö la kaoni moroi ba luar negeri, lö moguna labe'e ma lahöndrögö khönia numero 0. Sitobali fangali numero 0 da'ö, samalua fogaoni telepon i'oguna'ö kode negara Indonesia ya'ia da'ö; +62, awena lanönö khönia kode area, hiza lö lafaogö khönia "0". Numero telepon domestik si so ba kota-kota sebua, sito'ölönia so 8 numero ma 8 digit, ba simane ba mbanua bö'ö tola manö ha 7 numero ma 7 digit. Numero ponsel so khönia 10 ofeta 12 digit na'atö pascabayar, ba hiza da'a mangawuli moroi ba wama'anö operator seluler, na atö prabayar zangoguna'ö numero telepon da'ö, so khönia ba 11 ofeta 13 digit, nitatugöi moroi ba operator.

Ofeta ba Oktober 1999, Timor Timur tefaogö ia ba gangolita wama'anö numero kode telepon Indonesia, sangoguna'ö kode area; 0390 fetaro mbanua ba Dili^[1] ba kode area 0399 ba mbanua Baucau).^[2]

Ba da'a so format wamalua fogaoni telepon moroi ba luar negeri ba Indonesia:

Ba wogaoni ba numero telepon nomo, sanelefo i höndrögö numero +62, awena kode area ba aefa da'ö numero telepon nomo sedöna lakaoni, böi lafaogö wohöndrögö numero '0', hulö zimane duma-duma ba da'a, na lakaoni moroi ba luar negeri ba Indonesia fetaro Jakarta : +62 21-xxxx-xxxx. Na fogaoni ba telepon seluler (GSM) moroi ba luar negeri, sanelefo lahöndrögö +62, aefa da'ö numero handphone sedöna lakaoni, hiza fagölö ira na ta kaoni telepon nomo, böi faogö numero '0', ba simane da'a format-nia; +62 8xx-xxxx-xxxx.

1. ↑ Travel Indonesia, Volume 16, 1994, page 46
2. ↑ The Official Catholic Directory for the Year of Our Lord, Part 2, 1999, page 72