Aldusblad

Aldusblad eller alduslauv er eit typografisk teikn danna av eit hjarteforma blad med noko lauv over, og kan brukast ståande rett opp eller liggjande til venstre eller høgre. Aldusbladet er eitt av dei eldste typografiske ornamenta og finst allereie i tidlege greske innskrifter. Det er kalla opp etter den vidkjende boktrykkaren Aldus Manutius, som levde i Venezia på 1400-talet. Aldus Manutius brukte ofte teiknet i bøker og andre trykksaker, og bidrog dermed til å spreia det. Aldusblad har som regel ein dekorativ funksjon. Det kan til dømes brukast til å avslutta ein trekant, ramme inn ein tekst eller skilja ein tekstbolk frå ein annan.

Det tyske forlaget Verlag Hermann Schmidt Mainz bruker aldusbladet som varemerke.