Back Atlantic Crossing English Atlantic Crossing Spanish Atlantic Crossing Finnish Atlantic Crossing (album de Rod Stewart) French Atlantic Crossing Italian アトランティック・クロッシング Japanese Atlantic Crossing Korean Atlantic Crossing Polish Atlantic Crossing Portuguese Atlantic Crossing Russian
| Atlantic Crossing Studioalbum av Rod Stewart | ||
| Språk | engelsk | |
| Utgjeve | 15. august 1975 | |
| Innspelt | April–juni 1975 | |
| Studio | A&R i New York City Criteria i Miami Wally Heider i Los Angeles Hi Recording og Muscle Shoals Sound i Alabama | |
| Sjanger | Glamrock, poprock | |
| Lengd | 44:27 | |
| Selskap | Riva, Warner Bros. | |
| Produsent | Tom Dowd | |
| Rod Stewart-kronologi | ||
|---|---|---|
| Smiler (1974) |
Atlantic Crossing | A Night on the Town (1976)
|
| Singlar frå Atlantic Crossing | ||
| Meldingar | |
|---|---|
| Karakter | |
| Kjelde | Karakter |
| AllMusic |   [1] |
| Rolling Stone | (average)[2] |
| Robert Christgau | B+[3] |
| The Rolling Stone Album Guide |  [4] |
Atlantic Crossing er det sjette albumet til Rod Stewart, gjeve ut i 1975. Det gjekk til topps på albumlista i Storbritannia og nådde niandeplassen på Billboard Top Pop Albums-lista.[5][6]
Tittelen indikerer den nye kommersielle og kunstnariske retninga til Stewart og refererte både til at han hadde kome over til Warner Brothers og at han rømde heimlandet for å unngå å betale 83 % skatt og byrja eit jetset-liv i Los Angeles (der han søkte om amerikansk borgarskap på den tida). Albumet vart delt mellom ei langsam og ei rask side, visstnok etter eit forslag frå den dåverande kjærasten hans, den svenske skodespelarinna Britt Ekland. Stewart gjorde det same på dei to neste albuma sine.
Albumet inneheld to av dei mest kjende songane til Stewart, «Sailing» og «I Don't Want To Talk About It».
Med Atlantic Crossing enda Stewart det musikalske samarbeidet med Ronnie Wood, Ian McLagan og ei rekkje av musikarane han hadde spelt med på albuma sine for Mercury Records, og blanda soul og folk. I staden brukte han ei gruppe studiomusikarar, inkludert The Memphis Horns og tre-fjerdedelar av Booker T. and the MG's. Albumet vart produsert av Tom Dowd, ein kjend lydteknikar og produsent som hadde produsert mange av heltane til Stewart i tida si i hos Atlantic Records. Den einaste songen som vart framført frå dette albumet på den siste turneen til Faces i USA i 1976 var «Three Time Loser», og resten av gruppa mislikte sterkt den nye musikalske retninga til Stewart på albumet. Etter suksessen til albumet flytta Stewart til USA og annonserte at han trekte seg frå Faces på slutten av året.
«Sailing» nådde toppen av den britiske singellista i september 1975 og gjekk igjen inn på topp tre på lista eitt år seinare då han vart nytta som kjenningsmelodien for BBC-serien Sailor. Både akustisk og elektrisk gitar vart spelt av Pete Carr.[7] I 1977, nesten to år etter albumet kom ut, fekk Stewart ein ny song frå albumet på toppen av lista med den doble A-sida «I Don't Want to Talk About It» og «The First Cut Is the Deepest» (frå albumet A Night on the Town - 1976).
I 2009 gav Rhino Records ut ein versjon av albumet på to plater med bonussongar.
- ↑ Erlewine, Stephen Thomas. Atlantic Crossing på Allmusic
- ↑ Rolling Stone review, arkivert frå originalen 14. august 2017, henta 2. juni 2018
- ↑ Robert Christgau review
- ↑ Rolling Stone Album Guide, arkivert frå originalen 19. september 2011, henta 2. juni 2018
- ↑ «Rod Stewart > Artists > Official Charts». UK Albums Chart. Henta 31. mai 2018.
- ↑ «AllMusic: Atlantic Crossing : Charts & Awards : Billboard Albums». allmusic.com. Henta 31. mai 2018.
- ↑ from Pete Carr's official site «Archived copy». Arkivert frå originalen 13. februar 2012. Henta 1. juni 2018..