Barrow-in-Furness

Barrow-in-Furness
Plassering
Styresmakter
Land	Storbritannia
Konstituerande land	England
Grevskap	Cumbria
Distrikt	Barrow-in-Furness
Grunnlagd	1867
Geografi
Innbyggjarar  - By (2006)	71 980
Koordinatar	54°07′N 3°13′W / 54.117°N 3.217°W / 54.117; -3.217
Diverse annan informasjon
Postnummer	LA13-LA16
Telefon-retningsnummer	01229
Commons har multimedium som gjeld: Barrow-in-Furness

Barrow-in-Furness eller berre Barrow er ein mellomstor industriby i Cumbria, nordvest i England, kjent for skipsbyggingstradisjonane sine. Byen ligg ytst på Furnesshalvøya sørvest i grevskapet Cumbria.

Barrow er den største byen i distriktet Barrow-in-Furness^[1] og det største folkesenteret på Furness.

Han var berre ein liten landsby heilt til midt på 1800-talet, då den industrielle revolusjonen gav startskotet til eksplosiv vekst. Byen vart heimstad for fleire stål- og jernverk, og det verna sundet mellom halvøya og Walney Island gav den perfekte plasseringa for etableringa av skipsverft.

Den opphavlege drivkrafta kom med utbygginga av jarnbana til området, men på slutten av 1800-talet var Barrow heimstad for det største stålverket i verda, omfram at byen alt var det store senteret for skipsbygging han enno er.^[2]

Skipsverftet vart ein storskala produsent av marinefartøy og spesialiserte seg i aukande grad på undervassbåtar. Dei siste 60 åra utgjorde atomubåtar størstedelen av produksjonen. Alle Vanguard-klasse ubåtane i Storbritannia, utstyrt med Trident-rakettar, som utgjer hovuddelen av den kjernefysiske slagkrafta til Storbritannia, vart bygd ved skipsverftet i Barrow. Slutten av den kalde krigen, og dei påfølgjande kutta i militære budsjett, medførte stor arbeidsløyse i området.

Barrow-in-Furness er heimbyen til fotballaget Barrow AFC og til rugbylaget Barrow Raiders.

1. ↑ Cumbria's Population in Urban Areas 2003^{[daud lenkje]}, 5.mai 2007.
2. ↑ Barrow Museum Mission Statement Arkivert 2007-04-05 ved Wayback Machine., Dock Museum website, PR.5.mai 2007.