Bering er det å halda noko oppe og ta det med seg.[1] Menneske kan bera noko i handa, på armen, skuldera, hovudet, ryggen eller på andre måtar ved hjelp av utstyr eller ulike innretningar, eller dei kan få dyr til å bera, som ridedyr eller kløvdyr. Dyr kan også bera ting for seg sjølv, til dømes ved hjelp av munnen, klørne eller spesielt tilpassa kroppsdelar. I moderne tid er mykje bering erstatta av røyr, kranar, heisar, vogner, traller, fargreier og andre maskinar.
Blant levande vesen er det hovudsakleg berre menneske og maur som samarbeider om å bera.[2] Det finst også spreidde døme blant sosiale edderkoppar, gjødselbiller og ungrotter.[3]
- ↑ «bere» i Nynorskordboka.
- ↑ Lasse Biørnstad (3. august 2015), «Speidere leder maten hjem til tua», forskning.no (på norsk), henta 10. september 2019
- ↑ «How do ants synchronize to move really big stuff?», PBS NewsHour (på engelsk), 28. juli 2015, henta 10. september 2019